387,34 428,00 6.02
+7 (7172) 757 485 24kz@khabar.kz
ҚАЗ


Елордада құрылысы 10 жылға созылған тұрғын үй сүріледі 

  • 141
Елордада құрылысы 10 жылға созылған тұрғын үй сүріледі  inform.kz

«Территория комфорта-1»  тұрғын үйі сүріледі. Бұл туралы бүгін Нұр-Сұлтан қаласының әкімі Алтай Көлгінов айтты, деп хабарлайды ҚазАқпарат.

«Үлескерлерге қатысты проблема бар. Біз күн сайын олармен кездесіп отырмыз. Мәселе өте күрделі, бір жылдың ішінде шешілмейді. Дегенмен, бір қадам болсын алға қарай жылжуымыз керек. Ол жерлерде де кейбір үйлерді сүріп тастау қажет», – деді ол қала әкімдігінде өткен қоғамдық тыңдаудан кейін.

Осы ретте қала басшысы құрылысы толық бітпеген нысандардың бірін мысалға келтірді. Оның атап өтуінше, мүндай сақалды құрылыс төңірегіндегі үйлерде тұратын адамдардың өмірі  үшін қауіпті.

«Журналистер менен «Ана үй не болып жатыр?», «Мына үй не болады?»деп сұрап жатады. Күні кеше ғана «Территория комфорта-1» үйі туралы сұрады. Үйдің тұрғанына 10 жыл болады, біресе құрылысы жүріп, біресе тоқтап қалады. Болды, енді бұл құрылыс жарамсыз, оны сүріп тастау қажет» – деді Алтай Көлгінов.

 Осы ретте БАҚ өкілдерінің аталған нысанның қашан сүрілетіндігіне қатысты сұрағына да әкім жауап берді. «Таяу уақытта біз оны қарастырамыз. Себебі, азаматтарымыздың қауіпсіздік мәселесі біз үшін бірінші орында», – деді ол.

Хабар 24 телеарнасы