387,34 428,00 6.02
+7 (7172) 757 485 24kz@khabar.kz
ҚАЗ


Елбасының Саяси кеңес отырысында айтқан идеяларын ақмолалық депутаттар қолдайды

  • 166
  • UPD: 21:39, 25.08.2019

«Nur Otan» партиясының мүшелері мұғалімдер мен дәрігерлердің, зауыт-фабрикалардағы қарапайым жұмысшылардың құқықтарының қорғалуына жағдай жасау қажет.

Ол үшін «нұротандықтар» халыққа барынша жақын болуы тиіс. Елбасының кеңесте айтқан сөздерін Ақмола облысының мәслихат депутаттары қызу қолдады. Олардың айтуынша, бізде ұстаздардың, дәрігерлер мен жұмысшылардың жағдайларын түсінуден гөрі, нәтиже талап ету жағы басым. Олардан қандай да бір істі талап етпес бұрын, алдымен жағдай жасау қажет дейді облыстық мәслихаттың депутаты Елена Мащинская. Ал партиялықтар соның себепкері болуы тиіс.

Елена Мащинская, облыстық мәслихаттың депутаты, ҚХА мүшесі:

- Біз көбінесе қандай да бір салада қиын жағдай болған кезде ғана оларға көңіл бөліп жатамыз. Мәселен, бізде онсыз да дәрігерлер мен мұғалімдер жетіспейді. Сондықтан олардың әлеуметтік жағынан жақсы қамтамасыз етілуіне мән беруіміз керек. Сонда ғана олардың әрқайсысы өз жұмысын жан-тәнімен беріліп атқарады. Ал бұл қоғамдағы тұрақтылықтың кепілі.

Хабар 24 телеарнасы