389,98 432,20 6.09
+7 (7172) 757 485 24kz@khabar.kz
ҚАЗ


Қазақстан ИКАО кеңесі президентінің авиациялық қауіпсіздік саласындағы нәтижелері үшін марапатталды

  • 169
Қазақстан ИКАО кеңесі президентінің авиациялық қауіпсіздік саласындағы нәтижелері үшін марапатталды

Бүгін Монреаль қаласында (Канада) Қазақстан Халықаралық азаматтық авиация ұйымының (ИКАО) мерейтойлық ассамблеясында 190-нан астам елдің арасында алғаш рет ИКАО кеңесі президенті атынан авиациялық қауіпсіздік жөніндегі сертификатты тапсыруға ұсынылды.

Бұл сертификат ИКАО-ның No Country Left Behind (бірде-бір ел назардан тыс қалмайды) жаһандық бастамасын қолдау мақсатында тағайындалды. Мұндай марапат үшін елдерді іріктеу критерийлері ИКАО-ның арнайы комиссиясы айқындайтын бағалаудың авиациялық қауіпсіздікті қамтамасыз етуді дамыту саласындағы мемлекет қызметінің соңғы жылдардағы нәтижелеріне негізделген.

Авиациялық қауіпсіздікті қамтамасыз етуді ұйымдастыруда қол жеткізілген жетістіктер мен айтарлықтай ілгерілеушілікті ескере отырып, Қазақстан Халықаралық азаматтық авиация ұйымының (ИКАО) жоғары марапатымен бағаланды. Осындай марапатты алу үшін соңғы жылдары ҚР ИИДМ Азаматтық авиация комитеті авиациялық қауіпсіздікті дамыту саласында жүргізіп келе жатқан үлкен жұмыс негіз болғанын атап өткен жөн.

Атап айтатын болсақ:

- 2017 жылдың қараша айында өткен ИКАО аудитінің жоғары нәтижелері. Аудит нәтижелері бойынша Қазақстан Республикасының деңгейі 83%-ды құрады. 2009 жылғы аудитпен салыстырғанда алға жылжу 21%-ды құраған – бұл авиациялық қауіпсіздіктің әлемдік орташа көрсеткішінтен 11%-ға жоғары (72%);

- заңнаманы жақсарту және авиациялық қауіпсіздік саласында ИКАО стандарттары мен ұсынылатын практикасын уақтылы енгізу. «Авиациялық қауіпсіздіктің ұлттық бағдарламасы» Үкімет қаулысымен әзірленді және бекітілді, онда авиациялық қауіпсіздік саласындағы ИКАО-ның барлық соңғы стандарттары енгізілген. 2018-2019 кезеңінде ҚР Үкіметінің 3 қаулысы және авиациялық қауіпсіздік бойынша министрдің 8 бұйрығы қайта өңделді және өзгертілді;

- шет мемлекеттермен тиімді өзара іс-қимыл және ынтымақтастық. ИКАО No Country Left Behind (бірде-бір ел назардан тыс қалмайды) бастамасы шеңберінде Азаматтық авиация комитеті көрші елдердің авиациялық биліктерімен тығыз ынтымақтастық қарым-қатынас жасауда. 2017-2019 жылдар кезеңінде Грузия және Өзбекстан өкілдерімен авиациялық қауіпсіздік саласында тәжірибе алмасу бойынша іс-шаралар сәтті өткізілді, Тәжікстан өкілдеріне ИКАО аудитіне дайындық бойынша консультациялық көмек көрсетілді. Тұрақты негізде Орталық Азия және Кавказ елдерінің өкілдері Азаматтық авиация комитетінің бастамасымен Алматы қаласында орналасқан авиациялық қауіпсіздік бойынша ИКАO-ның оқу орталығында білім алу және біліктіліктерін арттыру.

- ИКАО аймақтық бюросы аясында авиациялық қауіпсіздік бойынша өткізілетін халықаралық конференциялар мен семинарларға белсенді қатысу.

Бұл – авиациялық қауіпсіздікті жетілдіру үшін елдің авиациялық билік орындары жүргізетін қызметтің аз ғана бөлігі. Жүргізілген жұмыстың және авиациялық қауіпсіздік саласындағы ИКАО талаптарына сәйкес қол жеткізген жетістіктердің нәтижесінде Қазақстан ИКАО Ассамблеясының 40-шы мерейтойлық сессияларының ашылу салтанатында ИКАО Кеңесі Президентінің сертификатына ие болды.

ИКАО ассамблеясы тәуелсіз орган және ИКАО кеңесі үш жылда кемінде бір рет шақырылады. Ассамблеяға ИКАО-ға мүше барлық мемлекеттер (193 ел) және бірқатар халықаралық ұйым қатысып, алдағы жылдардағы азаматтық авиация саласындағы жаһандық саясат анықтайды. Әрбір мемлекет ассамблеяның қарауындағы мәселелер бойынша бір дауыс беруге құқылы және осы сессиялардағы шешімдер қатысушы елдердің көпшілік дауысымен қабылданады.

Хабар 24 телеарнасы