384,77 427,95 6.05
+7 (7172) 757 485 24kz@khabar.kz
ҚАЗ


Қазақстанда шетелдік жұмыс күшін пайдаланатын 2396 компания бар

  • 248
  • UPD: 11:13, 17.10.2019
Қазақстанда шетелдік жұмыс күшін пайдаланатын 2396 компания бар

2019 жылдың 1 қазанындағы жағдай бойынша Қазақстанда шетелдік жұмыс күшін тартуға 20 мың 938 рұқсат (бұдан әрі - шжк) берілген, деп хабарлайды ҚР Еңбек және халықты әлеуметтік қорғау министрлігінің баспасөз қызметі.

Оның ішінде бірінші санатқа (басшылар мен олардың орынбасарлары) 819, екінші санатқа (құрылымдық бөлімшелердің басшылары) 4690 рұқсат шығарылды. ШЖК тартуға арналған рұқсаттардың көп бөлігі үшінші (мамандар) және төртінші (білікті жұмыскерлер) санаттарына берілді – сәйкесінше 9803 адам және 1738 адам. Сондай-ақ маусымдық жұмыстарға – 2216, корпоративтік ауысым аясында 1672 адам тартылған.

Қазіргі уақытта Қазақстанда ШЖК пайдаланатын 2 396 жұмыс беруші бар. Оларда Қазақстанның 531,1 мыңға жуық азаматы жұмыс істейді, бұл қызметкерлердің жалпы санының 96% құрайды.

Еңбек мигранттарың негізгі шыққан елдері Қытай – 4 433 адам, Өзбекстан – 2320 адам, Үндістан –1837, Түркия –1828, Ұлыбритания –1449 адам.

Ішкі еңбек нарығын қорғау мақсатында Қазақстан Республикасының Үкіметі жыл сайын республикаға шетелдік мамандарды тартуға квота белгілейтінін еске сала кеткен жөн. 2019 жылға шетелдік жұмыс күшін тарту квотасы республиканың экономикалық белсенді халқының 0,54%-ы (шамамен 48,7 мың адам) деңгейінде белгіленді.

Хабар 24 телеарнасы