387,14 428,20 6.07
+7 (7172) 757 485 24kz@khabar.kz
ҚАЗ


«Хабарда» қызмет еткім келеді» байқауының қорытындысы қазан айының соңында жарияланады

  • 214
  • UPD: 23:19, 18.10.2019

500 адам. Бұл «Хабарда» қызмет еткім келеді» байқауына қатысып, тележүргізуші болудан үмітті болғандардың саны. Кастинг қорытындысы қазан айының соңында белгілі болады. Қатысушылар, ең әуелі «Неліктен дәл сізді таңдауға тиіспіз?» деген сауалға бейнежазба әзірлеп, кейін өзекті мәселе жайлы, бейнематериал түсірді. Еңбектерін «Хабарда» қызмет еткім келеді» деген хэштег арқылы әлеуметтік желілерге жүктеді. Арасынан іріктелген үздіктері енді өзара мықтыны анықтайды.

Әр үйдің төріне теледидардан жаңалық жаршысы болып келуді аңсаған талай жан бақ сынауда. Қыркүйектің орта шенінен 500 адам «Хабар» арнасында тележүргізуші болудан үміттеніп, сынға түсті. Міне, соңғы тур. 17 адамның қайсысының асығы алшысынан түсер екен? 

Қатысушы біткен өзін таныстырып креативті бейнероликтер әзірледі. Әлеуметтік желілерде хабарда қызмет еткім келеді хештегімен жариялады.

Іріктейтін көркемдік кеңес мүшелері  тележүргізушінің тұнық әрі анық дикциясын ғана емес, алғырлық, тез ойлап пайымдау қабілетін де бағаламақ. 

Айгүл Мүкей, «Хабар» арнасының тележүргізушісі:

- Өте үлкен сайыс болған, бізге жюри мүшелерге өте қиын қазір жеңімпазды таңдап алу, қазір сайыс өз аяғына дейін жетіп жатыр. 7 адам қазір көріп тұрсыздар, астанадан, тағы 10 адам басқа өңірлерден келеді. Осы адам ақылды болу керек, репортажды өз іжаза білу керек, саясатты білу керек міндетті түрде.  

Қатысушылардың сахнада көрнекі сөйлегені ғана емес, шұғыл ақпарат келіп түсетін сәттерде жаңылмай, мүдірмей оқып шығу мүмкіндіктері сыналды. 

Әділет Ахметов, «Хабарда қызмет еткім келеді» жобасына қатысушы: 

- Мұндай мүмкіндік берген Хабар арнасына алғысым шексіз. Толқу деген болады, жақсы оймен барсаң шамалы толқу басылатын секілді. Жексенбі күні таңы алты велоспиедке отырып, ауыл маңын аралап шығып, жаңа ғана қаймақпен тәтті шайды ішкенді елестеткен болатынмын.  

«Хабар» телеарнасы бұған дейін бірде-бір арна көрсетпеген айрықша жобалар әзірлеуде. Әзірге «Әкімдер» деген атаумен өңделіп жатқан саяси-әлеуметтік бағдарламаға жүргізуші қажет. Польшада Ержан Максимнің қатысуымен өтетін «Eurovision-2019» байқауын тізгіндейтін кәсіби маман керек. 

Индира Жылқайдарова, тілші:

- Бұл «Хабар» телеарнасының жаңалықтар студиясы. Көрерменге ақпарат тарату үшін ажарлы, өңді болу аз. Біліктілік, тәжірибе бұл сөз жоқ маңызды. Мұнда интонацияның өзі ақпарат. Бірақ көрермен жасандылықты емес, шынайылықты бағалайды. 

Тақырыптың мазмұнына терең бойлап, әр сөйлемді дауыс ырғағы, үн тынысына сай жеткізетін тележүргізуші іздеген «Хабар арнасына» кім қызметке алынатыны 23 қазанда белгілі болады.

Авторлары: Индира Жылқайдарова, Аян Сәрсенбаев

Хабар 24 телеарнасы