380,84 420,44 6,06
+7 (7172) 757 485 24kz@khabar.kz
ҚАЗ


Ақмола облысында жолда қалған автобус жолаушылары құтқарылды

  • 292
  • UPD: 17:37, 30.11.2019
Ақмола облысында жолда қалған автобус жолаушылары құтқарылды

Ақмола облысында жолда қалған тоғыз жолаушы құтқарылды, деп хабарлайды ҚазАқпарат облыстық ТЖД баспасөз қызметіне сілтеме жасап.

Ведомствоның мәліметіше, қарашаның 29-да жол-патруль полиция ротасының қызметкерлері, полиция капитаны Әсет Айтымов пен аға лейтенант Ерзат Есентаев «Екатеринбор - Алматы» тас жолының бойында, яғни Целиноград ауданының Ақмешіт ауылының тұсында «Iveko» шағын автобусының тоқтап тұрғанын байқаған. Кейін тәртіп сақшылары анықтағандай, көлік істен шыққан, ал салонда тоғыз жолаушы болған.

«Анықталғандай, автокөліктің от алдыру жүйесі қатып қалған. Сол себепті жүргізуші жол бойында тоқтауға мәжбүр болған. Жол-патруль полиция ротасының қызметкерлері жолаушыларды өтіп бара жатқан көліктерге отырғызып жіберді. Ал, сынған көлікті Нұр-Сұлтан қаласына сүйреп апарды», - деп түсіндірді ведомствоның баспасөз хатшысы Динара Есенбаева. 

Хабар 24 телеарнасы