377,86 418,90 6.10
+7 (7172) 757 485 24kz@khabar.kz
ҚАЗ


Шымкентте өткен жылы 25 мың сәби дүниеге келген

  • 216
  • UPD: 07:59, 04.01.2020

Қалалық денсаулық сақтау басқармасы демографиялық өсім байқалғанын айтып отыр.

Шаһардағы ауруханалар мен орталықтарға су жаңа қондырғылар алынып, тозығы жеткен жедел жәрдем көліктері де жаңартылды, деп хабарлайды «Хабар 24».

Салтанат Бұланбаева әрбір науқасқа ерекше ілтипатпен қызмет көрсетеді. Жалпы тәжірибелік дәрігерге еңбектеген баладан еңкейген қарияға дейін қаралады. Ақ халатты абзал жанның биыл еңбегі еленіп, үздік отбасылық дәрігер атанды.

Салтанат Бұланбаева, жалпы тәжірибелік дәрігер:

- Пациенттер арасында қарым-қатынас жақсы деп ойлаймын. Медбикелерімнің де арқасында барлығы. Осы жетістікке жетіп отырғанымыз. Медицинада қағазбастылық нұсқалар жойылып жатыр қазір. Барлығы электрондық түрде. Жұмыс өте көп, әрине. Бірақ барлығына үлгеріп, тырысып жатырмыз.

2019 жыл жас мамандарға ғана емес, денсаулық сақтау саласы үшін де жемісті болды. Дәрігерлер мыңнан аса емделушіге сәтті операция жасады. Емдеу мекемелері цифрлық жүйеге көшті. «Қол жеткізілген ең басты жетістік жедел жәрдем станциясының жаңғыртудан өтуі болды», - дейді мамандар.

Инна Глазебная, қалалық денсаулық сақтау басқармасының бөлім басшысы:

- Біз перинаталдық орталықтарға ғана емес, көп салалы балалар ауруханаларына да озық технологияларды енгіздік. Бұларға 26 медициналық құрал-жабдық сатып алынды. Бұл құрылғылардың дәрігерлерге көмек болары анық.

Биыл Шымкентте медицина саласына қатысты бірқатар атышулы оқиғалар болды. Алдымен инфекциялық ауруханада сәбиге ыстық сумен клизма қойылды. Одан кейін науқастардың қызмет сапасына шағымданған жағдайлары да кездесті. Ал, қараша айында аурухананың бас дәрігері Абылай Донбайды полиция ұстады. Оған адам ағзасын заңсыз трансплантация жасады деген айып тағылып отыр.

Салада атқарылар ауқымды жұмыс бар. 2020 жылы елімізде міндетті әлеуметтік сақтандыру жүйесі іске қосылады. Шымкенттік дәрігерлер оған бір жыл бойы дайындалды.

Авторлары: Шыңғыс Қалиден, Катерина Попкова

Хабар 24 телеарнасы