Warning
  • JUser: :_load: Unable to load user with ID: 142
417,02 504.70 5.60
+7 (7172) 757 485 24kz@khabar.kz
ҚАЗ

«Инфекцияға қарсы препараттар ғылыми орталығы» GMP сертификатын иеленді

  • 736
  • UPD: 16:12, 06.01.2020
«Инфекцияға қарсы препараттар ғылыми орталығы» GMP сертификатын иеленді

«Инфекцияға қарсы препараттар ғылыми орталығы» АҚ GMP сертификатын иеленді.

Бұл құжат өнімнің сапасына, оның тұрақты тексерілуіне және өндірістің әлемдік стандарттарға сәйкестігіне кепілдік береді.

GMP (Good Manufacturing Practice) – бұл дәрілік препараттарды, биологиялық белсенді қоспаларды, тағамдық қоспаларды және кейбір тамақ өнімдерін өндіруге қойылатын талаптарды анықтайтын халықаралық стандарт. GMP халықаралық стандартына өндіруші кәсіпорын жауап беруі тиіс барлық талаптар енгізілген, оның ішінде өндірістік цехтағы температурадан бастап қызметкерлердің киіміне дейін.

2018 жылдың 1 қаңтарынан бастап GMP стандарттары қазақстандық өндірушілер үшін міндетті деп танылды.

Ғылыми орталық қызметі жаңа медициналық препараттарды ғылыми іздестіруге және сынауға бағытталған сегіз бейінді зертханада жүзеге асырылады. Орталықтағы сынақтарды түтікшеде, сондай-ақ тірі ағзаларда зерттеу жүргізуге мүмкіндік бар. Ғылыми орталықтың қызметкерлері әлемнің 12 еліндегі 38 ұйыммен әріптестік қарым-қатынас орнатып, үнемі тәжірибе мен білім алмасады.

Бүгінгі таңда «Инфекцияға қарсы препараттар ғылыми орталығы» АҚ-да инфекцияға қарсы жаңа төрт препарат әзірлеуде:

– ФС-1 туберкулезге қарсы препараты, өкпе туберкулезінің мультирезистенттік түрі бар науқастарға клиникалық сынақтардың үшінші фазасы жүргізілуде;

– Антибиотиктердің потенциаторы, клиникалық сынақтардың бірінші фазасы жүргізілуде;

– Интерферондар индукторы, клиникаға дейінгі сынақтар жүргізілуде;

– Кең спектрлі әсер ететін иммуномодулятор, клиникаға дейінгі сынақтар жүргізілуде.

Ақпарат көзі: ҚР Индустрия және инфрақұрылымдық даму министрлігінің баспасөз қызметі

Хабар 24 телеарнасы