447,60 487,00 5.70
+7 (7172) 757 485 24kz@khabar.kz
ҚАЗ


Өткен жылы 840 отбасылық ферма ірі қара мал сатып алуға несие алған

  • 371
  • UPD: 10:57, 17.01.2020
Өткен жылы 840 отбасылық ферма ірі қара мал сатып алуға несие алған

ҚР премьер-министрі Асқар Маминнің төрағалығымен мал шаруашылығын дамыту жөнінде кеңесте ҚР ауыл шаруашылығы министрі Сапархан Омаров ірі қара мал басын көбейту және сиыр етінің өндірісін арттыру бойынша қабылданып жатқан шаралар, өңірлердің етті мал шаруашылығын дамыту бойынша әлеуеті туралы айтты.

Алдын-ала мәліметтер бойынша, 2019 жылы мал шаруашылығы өнімдерінің жалпы өндірісі еліміз бойынша 2306 млрд теңгені құрады, бұл 2018 жылдың сәйкес кезеңінің деңгейінен 12,5%-ға артық. 

Ірі қара мал басының саны 7,4 млн басқа, жылқы 2,8 млн, құстар 44,3 млн басқа, қой 16,9 млн басқа, түйе 214,8 мың, шошқа 822,2 мың басқа көбейген.

Сойылған салмағындағы құс етінің өндірісі 223 мың тоннаға, сиыр еті 501,4 мың тоннаға, жылқы еті 132 мың тоннаға, қой еті 152 мың тоннаға, шошқа еті 86 мың тоннаға дейін өсті.

2019 жылы асыл тұқымды мал шаруашылығын дамытуды субсидиялауға және саланың өнімділігін арттыруға 115,7 млрд теңге қаржы бөлінді. 840 отбасылық ферма 82,2 мың ірі қара мал басын сатып алуға несие алған. 

2019 жылы желтоқсан айында «Tyson Foods» америкалық компаниясымен қол қойылған Қазақстандағы қазіргі агро-мультипротеин индустриясын дамытуға қатысу қағидалары туралы келісім етті мал шаруашылығын дамытуға зор серпін береді. Бірінші кезеңде ҚР-да өнімділігі тәулігіне 2 мыңға жуық мал басы болатын заманауи ет өңдеу кешенін салу жоспарланған. Кәсіпорын қазақстандық нарықтың қажеттіліктерін өтеп қана қоймай, өнімдерді шетел нарықтарына экспорттайтын болады, осылайша, еліміздегі жылдық ауыл шаруашылығының түсімін 1 млрд-тан астам долларға қамтамасыз етуге ықпалын тигізеді. 

Кеңеске қатысушылар мал басының санын көбейту, оның өнімділігін арттыру шараларын, мал бордақылау алаңдарының жүктемеленуін қамтамасыз етуді және мал азығы базасын нығайтуды талқылады. 

Үкімет басшысы Қазақстанда мал шаруашылығын дамыту жөніндегі кешенді жұмыстарды жалғастыруды тапсырды.

Ақпарат көзі: ҚР Ауыл шаруашылығы министрлігінің баспасөз қызметі

Хабар 24 телеарнасы