422.87 509.00 5.62
+7 (7172) 757 485 24kz@khabar.kz
ҚАЗ

Атырау облысында үш жылда 1,5 мыңнан астам бала екпе алмаған

  • 516
Атырау облысында үш жылда 1,5 мыңнан астам бала екпе алмаған

Бұл туралы Қазақпарат хабарлады. 

«2017 жылы екпеден бас тартқандар саны – 484 болса, 2018 жылы – 502, ал 2019 жылы – 509 адамға жетті. Бас тартушылардың көбі облыс орталығында – 1063, одан кейін Жылыой (151) және Құрманғазы (105) аудандары тұр. Ата-аналардың екпеден бас тартуына түрлі себептер бар. Бірінші кезекте діни себеппен салдырмау немесе вакцина бала денсаулығына зиян деген оймен бас тарту жиі кездеседі. Елімізде балалар туғаннан 16 жасқа дейін екпенің 13 түрін алуға тиіс. Оның ішінде қызылша, қызамық, паротит, гепатит, туберкулез сияқты жұқпалы ауруларға қарсы вакциналар бар», – дейді облыстық тауарлар мен қызметтердің сапасы мен қауіпсіздігін бақылау департаменті басшысының орынбасары Амантай Жұмағалиев.

Айта кетейік, өткен жылы ата-аналармен жүргізілген түсіндіру жұмысынан кейін 97 адам райынан қайтып, баласына екпе салуға рұқсат берген. Еске сала кетейік, Атырау облысында жыл басынан бері 15 адам қызылша жұқтырған.

Хабар 24 телеарнасы