411,54 452,40 5.82
+7 (7172) 757 485 24kz@khabar.kz
ҚАЗ


Елімізде ай сайын 446 мың теңгеден астам зейнетақы алатындар бар

  • 178
  • UPD: 11:13, 05.03.2020
Елімізде ай сайын 446 мың теңгеден астам зейнетақы алатындар бар

Бірыңғай жинақтаушы зейнетақы қорынан ай сайынғы ең жоғары төлем 446 мың теңгеден асып жығылды. Бұл туралы аталған қордың баспасөз қызметінен мәлім етті, деп хабарлайды ҚазАқпарат.

Таратылған ақпаратқа сәйкес, 2020 жылдың алғашқы айында 146 мыңнан астам алушы үшін зейнетақы төлемдері мен сақтандыру ұйымдарына жасалған аударымдар 17,9 млрд теңгені құрады. Оның ішінде зейнет жасына толуға байланысты – 7,4 млрд теңге, Қазақстаннан шетелге тұрақты тұруға кетуге байланысты – 4,8 млрд теңге, сақтандыру ұйымдарына жасалған аударымдар – 2,6 млрд теңге, мұрагерлік бойынша – 2,5 млрд теңге, жерлеуге байланысты – 311 млн теңге, мүгедектігі бар жандарға 200 млн теңге төленді.

«БЖЗҚ-дан зейнетақы төлемдерінің орташа сомасы БЖ100 803 теңге болды. Бұл сомаға кесте бойынша төлемдер, сонымен қатар зейнет жасы, шетелге тұрақты тұруға кету, жерлеу, мүгедектік, мұрагерлік және сот шешімі бойынша біржолғы төлемдер кіреді. Ал кесте бойынша ай сайынғы зейнетақы төлемдерінің орташа сомасы – 21 810 теңгені, ай сайынғы ең жоғары төлем 446 794 теңгені құрады», – деп атап өтеді қордан.

Хабар 24 телеарнасы