448,52 487,00 5.74
+7 (7172) 757 485 24kz@khabar.kz
ҚАЗ


ШҚО-дағы тұрақтандыру қорында өнім таусылуға жақын

  • 112
ШҚО-дағы тұрақтандыру қорында өнім таусылуға жақын

Шығыс Қазақстанда тұрақтандыру қорындағы өнім таусыла бастады, деп хабарлайды «Хабар 24».

Мәселен, картоп мамыр айының ортасына дейін ғана жетеді. Ал орамжапырақ осы айда сатылып бітсе, сәбіз бен сарымсақ сәуірдің соңында бітеді. Бұл – осы тұрақтандыру қорын ұйымдастырып отырған әлеуметтік-кәсіпкерлік корпорациясының облыстағы өкілдері берген мәліметі. Жалпы қордағы 5700 тонна өнімнің әзірге 3800 тоннасы сатылыпты. Көкөністердің бір келісі қор атынан ашылған сауда орындарында 70 теңге шамасында болса, жеке дүкендердің ішінде 77 теңгеден сатылып жатыр. Сарапшылардың айтуынша, бұл өлкедегі баға өсімін ұстауға сеп. Өйткені кәдімгі базарда аталған өнімдер екі есе қымбат. Сондықтан тұтынушылар тарапынан қор өнімдеріне сұраныс жақсы дейді сатушылар.

Анаргүл Құсманова, сатушы:

– Біз күнделікті 900 келіге дейін тауар аламыз, наразылық болған емес, тауар сапалы, тиімді. Мамыр айына дейін баға осылай тұрса, әрі қарай көтерме базардан аламыз.

Зарина Амангелдинова, «Ертіс» ӘКК бөлімінің бас менеджері:

– Өнім көкөніс қоймасында жинақталған. Ол жерде барлық ережелер ескерілген. Алайда тауарды сақтау талабына сай көкөністер де белгілі бір уақыт аралығында ғана сақталуы тиіс. Әрі қарай біз ол өнімдерді сатылымға шығара алмаймыз. Өйткені тауардың бұзыла бастауы әбден мүмкін.

Хабар 24 телеарнасы