399,51 448,90 5.81
+7 (7172) 757 485 24kz@khabar.kz
ҚАЗ


Қазақстанда орамжапырақты үшінші елге экспорттауға тыйым салынған

  • 182
Қазақстанда орамжапырақты үшінші елге экспорттауға тыйым салынған

Елде ішкі сұранысты өтеу ету үшін орамжапырақтың экспортына тыйым салынған, деп хабарлайды «Хабар 24».

Бірақ Еуразиялық экономикалық одақ елдеріне шығаруға рұқсат бар. Бұл туралы Ауыл шаруашылығы министрінің бірінші орынбасары Айдарбек Сапаров хабарлады. Жалпы біздің бұл өнімді одақтас елдердің арасында ең көп тұтынатыны Ресей екен. Өткен екі күнде шаруалардан орамжапырақты экспорттауға байланысты 105 өтініш түскен екен. Жалпы диқандарға сырт нарыққа жалпы көлемі 1702 тонна өнім шығаруға рұқсат берілген. Алдағы күндері Ауыл шаруашылығы министрлігі ұн мен бидай экспортын ұлғайтуы мүмкін.

Айдарбек Сапаров, ҚР ауыл шаруашылығы министрінің бірінші орынбасары:

– Біз кеше сәуір айының квотасын белгіледік. Бидайға 200 мың тонна, 70 мың тонна ұн. Мамыр айын алдағы уақытта қарастыратын боламыз. Жалпы жоспар бойынша ұлғайтуды көздеп отырмыз. Осылайша айына орташа есеппен 300-350 мың тонна болады деп болжануда.

Хабар 24 телеарнасы