424.86 509.00 5.59
+7 (7172) 757 485 24kz@khabar.kz
ҚАЗ

Ертең карантинге қарамастан қайта жұмысына кірісетін кәсіпорындар белгілі болады

  • 786
  • UPD: 17:19, 12.04.2020
Ертең карантинге қарамастан қайта жұмысына кірісетін кәсіпорындар белгілі болады

Президенттің шешімімен карантин режимі сәуір айының соңына дейін ұзартылғаны мәлім, деп хабарлайды «Хабар 24».

Осыған орай, ертең төтенше жағдай режимін қамтамасыз ету жөніндегі мемлекеттік комиссияның отырысы өтпек. Жиында жұмысын қайта бастай алатын кәсіпорындардың нақты тізімі қаралады. Мұны Нұр-Сұлтан қаласы штабының өкілдері хабарлады. Атап өтейік, кей өндіріс орны біртіндеп жұмысын бастайды. Мұндай нысандар санитарлық-эпидемиологиялық талапты қатаң сақтауы тиіс. Ал қажет болмаған жағдайда, тұрғындардың үйден шығуына тыйым салынады. Тек тұрғылықты жерге жақын маңдағы азық-түлік дүкеніне, дәріханаға, медициналық қызмет алуға, жұмысқа бару үшін үйден шығуға рұқсат. Автобустар да әзірге қатынамайды. Адам көп жиналатын орындар, кинотеатр, сауда ойын-сауық орталықтары, клуб, мейрамхана, дәмханалар жабық күйінде қала береді. Штаб өкілдері тұрғындарға тек ресми ақпарат көздеріне жүгінуді ескертеді.

Хабар 24 телеарнасы