419,66 501.30 5.64
+7 (7172) 757 485 24kz@khabar.kz
ҚАЗ

Қазақстанда бір тәулікте 141 адам коронавирус жұқтырды

  • 818
  • UPD: 13:11, 21.04.2020
Қазақстанда бір тәулікте 141 адам коронавирус жұқтырды

Бір тәулікте COVID-19-ды жұқтырған 141 адам тіркеліп, қауіпті індеттің өсу көрсеткіші 8,2%-ке жеткен, деп хабарлайды «Хабар 24».

Үкімет отырысында Денсаулық сақтау министрі Елжан Біртанов еліміздегі эпидемиологиялық жағдай туралы баяндады. Бүгінгі күні вирусты жұқтырғандар 2 мыңға жуықтады. Ең көбі Алматы қаласында тіркеліп отыр. Мәселен, жаңадан анықталған 82 науқастың 78-і жоспарланған скрининг тест нәтижесінде белгілі болған. Олардың 60-ы орталық клиникалық ауруханадағы науқастар мен медициналық қызметкерлер. Шымкент қаласында тіркелген 23 адамның 16-сы скрининг бойынша анықталған төтенше жағдай департаментінің өкілдері.

Елжан Біртанов, ҚР Денсаулық сақтау министрі:

- Жалпы өткен тәулік бойынша 19 науқас қайтыс болып, 447 науқас емделіп шығарылды.Қазіргі уақытта 1386 науқас емделіп жатыр, олардың арасында 100 бала бар. Жалпы орташа жағдай бойынша 258 адам, нашар жағдай бойынша 32 адам, қалған 1096 науқастың жағдайы бірқалыпты.

Хабар 24 телеарнасы