Жұмысын қайта бастайтын ірі дүкендерде қолма-қол ақша қабылданбайды

Тұрмыстық техника сататын ірі дүкендер, сондай-ақ жазғы маусымға арналған тауарларды сататын дүкендер өз жұмысын бастайды.

Дегенмен сауда орындарында қолма-қол ақша ауысымы болмайды.

Бұл туралы Нұр-Сұлтан қаласы әкімінің орынбасары Бахтияр Макен ОКҚ брифингінде мәлімдеді.

Кассада және сатып алу алаңдарында адамдардың арасы 2 метрден кем емес қашықтықта болуы керек.

Сонымен қатар дүкендерде әрбір ауысымға дейін және ауысымнан кейін қызметкерлердің денсаулығын бақылап отыратын медицина пунктері болуы тиіс.