430,73 519.25 5.71
+7 (7172) 757 485 24kz@khabar.kz
ҚАЗ

COVID-19-бен күресте Силикон алқабының жасанды интеллекті қолданылады

  • 588
  • UPD: 16:03, 28.04.2020
COVID-19-бен күресте Силикон алқабының жасанды интеллекті қолданылады ҚР ДСМ

Қазақстанда COVID-19 пандемиясымен күресу үшін Силикон алқабының жасанды интеллектісі қолданылады.

АҚШ-тың Сан-Франциско қаласындағы (Силикон алқабы) ҚР Бас консулдығының бастамасымен, ҚР Денсаулық сақтау министрлігінің қолдауымен 14 күндік келіссөздерден кейін, 2020 жылдың 28 сәуір күні сағат 03:45-те «Семей медициналық университеті» мен XLabs (АҚШ-тың АТ компаниясы) арасында Қазақстан Республикасы аумағында COVID-19 пандемиясымен күресу үшін жасанды интеллектіні қолдану жөніндегі келісімге қол қойылды, деп хабарлайды ҚР ДСМ баспасөз қызметі.

Жобаның мақсаты:

- Big Data жинау;

- аурудың таралуы бойынша деректерді талдау;

- Қазақстан мен басқа елдердің эпидемиологиялық жағдайы туралы деректерді талдау;

- КВИ бар науқастарды емдеу тактикасын машиналық талдау;

- КВИ таралуының алдын алу бойынша қабылданып жатқан шараларды автоматты-салыстырмалы талдау;

- індеттің таралуын алдын алудың неғұрлым тиімді әдістерін әзірлеу.

Жобаға қатысу арқылы Қазақстан бірқатар артықшылықтарға ие болады. Біріншіден, пандемияға қарсы күрестің ең өзекті және тиімді шаралары қолжетімді болмақ. Екіншіден, деректердің үлкен көлемін жинау және талдау бойынша халықаралық тәжірбие жинақталады.

 

Хабар 24 телеарнасы