420,76 499,50 5.62
+7 (7172) 757 485 24kz@khabar.kz
ҚАЗ


Петропавлда заңды тұлғалар үшін ХҚКО ашылды

  • 261
  • UPD: 11:35, 29.04.2020
Петропавлда заңды тұлғалар үшін ХҚКО ашылды

Петропавлда бизнеске қызмет көрсету орталығы ашылды.

Мұндай шешімді Солтүстік Қазақстан облысының төтенше жағдай режимін қамтамасыз ету штабы қабылдады.

Бұған дәл осындай ХҚО Алматы мен Павлодар қалаларында өз жұмысын бастаған, таяу уақытта төтенше жағдай тәртібін қамтамасыз ету жөніндегі облыстық штабтардың шешімімен заңды тұлғаларға қызмет көрсету үшін Қазақстанның өзге қалаларында да ХҚКО ашылатын болады, деп хабарлайды Азаматтарға арналған үкімет мекемесінің баспасөз қызметі.

Құжаттарды қабылдау облыс әкімдіктерінің алдын ала ұсынған тізіміне сәйкес жүзеге асырылады. Ол тізімге несиелеу бойынша оң шешім алған ұйымдар кіреді. Бұл ретте, ХҚКО-лар тек бизнеске қызмет көрсету үшін ғана жұмыс істейді. Облыс тұрғындары мемлекеттік қызметтерді онлайн жолмен ала береді.

Бүгінгі таңда мемлекеттік қызметтердің 87%-ы электрондық үкімет порталы арқылы қолжетімді, сондай-ақ қажетті анықтамаларды eGov Mobile мобильді қосымшасы және телеграмдағы egovkzbot2.0 боты, Facebook және Vk әлеуметтік желілерінің чаттары арқылы алуға болатындығын еске саламыз.

Азаматтарға арналған үкімет мемлекеттік қызметтерді сапалы және тиімді көрсету үшін кәсіпкерлерге құжаттарының толық пакетін ұсынуды, сондай-ақ халыққа қызмет көрсету орталықтарында маска режимін сақтауды сұрайды. Санитарлық-эпидемиологиялық нормаларды сақтау мақсатында филиал қызметкерлері бетперде мен қолғаптарда жұмыс істейтін болады.

Заңды тұлғаларға қызмет көрсететін ХҚКО мекенжайы: Петропавл қ., Әуезов к-сі, 157. Жұмыс кестесі дүйсенбіден жұмаға дейін, сағат 9:00-17:00 аралығы.

Хабар 24 телеарнасы