425,82 518.00 5.93
+7 (7172) 757 485 24kz@khabar.kz
ҚАЗ

«Ақтөбе» әуежайы ішкі рейстерді қабылдауға дайын

  • 653
  • UPD: 19:08, 07.05.2020
«Ақтөбе» әуежайы ішкі рейстерді қабылдауға дайын

Ақтөбе әуежайына дезинфекциялық туннель қондырылды, деп хабарлайды тілшісі облыс әкімінің баспасөз қызметіне сілтеме жасаған ҚазАқпарат.

Ақтөбе облысының әкімі Оңдасын Оразалин «Ақтөбе» халықаралық әуежайына барды.

«Ақтөбе халықаралық әуежайы» АҚ Басқарма төрағасы Ерлан Құсман аймақ басшысына әуежайдың дайындығын көрсетті. Басқарма төрағасы барлық санитарлық талаптардың орындалғанын және ішкі рейстерді қабылдауға дайын екендіктерін жеткізді.

Көліктегі тауарлар мен қызметтік сапасы мен қауіпсіздігін бақылау басқармасының басшысы Бақыт Жұмағалиев санитарлық талаптар күшейтіле түсетіндігін айтып өтті. Азаматтар арасында әлеуметтік арақашықтықтың сақталуы және жолаушылардың жол жүру құжатымен бірге денсаулығы туралы анықтама көрсетуі тиіс.

Сондай-ақ жолаушылардың дене қызуы өлшеніп, құжаттары тексеріледі, шығарып салушылар ғимарат ішіне кірмейді. Қауіпсіздік мақсатында әуежай алдына дезинфекциялық туннель орнатылған. Облыс әкімі азаматтардың денсаулығы үшін жасалған жұмыстарды оң бағалап, әлде де бірқатар кемшілікті қалыпқа келтіру қажеттігін айтты.

Хабар 24 телеарнасы