423,04 511.30 5.62
+7 (7172) 757 485 24kz@khabar.kz
ҚАЗ

Биыл елімізде мың шақырымнан астам жол орташа жөндеуден өтеді

  • 352
  • UPD: 12:04, 20.05.2020
Биыл елімізде мың шақырымнан астам жол орташа жөндеуден өтеді

2020 жылы республикалық маңызы бар жолдардың 1089 шақырымы қалпына келтіріледі.

Былтыр бұл көрсеткіш 1101 шақырым болған еді.

Жолдардың 546 шақырымы ресайклинг әдісімен жөнделсе, 287 шақырым жол кедірлі-бұдырлы беттік өңдеумен қамтылады. Ал 172 шақырым жолдың асфальт-бетон жабындысы жаңартылып, 85 шақырым жол микросюрфейсинг технологиясымен жөнделеді.  

Биыл жөнделетін жолдардың біразы Қарағанды облысына тиесілі болмақ. Мұнда Қызылорда – Павлодар – Успенка – РФ шекарасы, Қызылорда – Павлодар, Жайрем – Қаражал – Атасу, Жезқазған – Петропавл, Ақшатау – Ағадыр – Ортау, Қызылорда – Павлодар, Нұр-Сұлтан – Қабанбай батыр – Энтузиаст – Киевка – Теміртау және Қарағанды – Аягөз – Тарбағатай – Бұғаз жолдары жөнделеді деп жоспарланған. Орташа жөндеуден өтетін жолдардың жалпы ұзындығы – 279 шақырым.

Орташа жөндеу жұмыстары жүргізілетін жолдардың ұзақтығы бойынша екінші орында Қостанай облысы тұр. Өңірде биыл 110 шақырым жол жөнделеді. Атап айтқанда, Денисовка – Жітіқара – Мықтыкөл – РФ шекарасы, Мамлютка – Қостанай, РФ шекарасы (Екатеринбург) – Алматы жолдары жөндеуден өтеді.   

Ақмола облысында жолдардың 107 шақырымы жаңартылады. Жөндеу жұмыстары Көкшетау – Атбасар, Нұр-Сұлтан – Петропавл, Көкшетау – Кішкенекөл – Бидайық – РФ шекарасы (Омбы), Бурабай курорттық аймағына апаратын жол, Көкшетау бұрма жолы және Нұр-Сұлтан – Ерейментау – Шідерті жолдарында жүргізіледі.   

Еске салайық, Қазақстандағы республикалық маңызы бар жолдардың жалпы ұзындығы 24888 шақырымды құрайды.

Ақпарат көзі: ҚР ИИДМ баспасөз қызметі

Хабар 24 телеарнасы