411,61 465,50 5.82
+7 (7172) 757 485 24kz@khabar.kz
ҚАЗ


Жамбыл облысында COVID-19 жұқтырған әйел дүниеге сәби әкелді

  • 187
  • UPD: 12:18, 25.05.2020
Жамбыл облысында COVID-19 жұқтырған әйел дүниеге сәби әкелді

Жамбыл облысында коронавирус жұқтырған 24 жастағы жүкті әйел босанды, деп хабарлайды облыс әкімдігінің сайты.

Жамбыл облысында 24 мамырда коронавирустық инфекцияның 33 жағдайы тіркелді.

Атап айтсақ, Тараз қаласында 29 оқиға анықталды, оның ішінде 4 жастан 41 жасқа дейінгі 28 тұлға бар. Олардың бәрі бұған дейін ауырғандармен байланыста болғандар. Сондай-ақ дерт 24 жастағы жүкті әйелден анықталды, ол 23 мамыр күні перзентханаға жатқызар алдындағы жоспарлы тексеруден өткен. Келіншек сол күні босанды.

Бала мен ананың жағдайы қанағаттанарлық. Сәбиді КВИ-ға тексеру жүргізілуде. Бұдан бөлек Байзақ ауданының 1966, 2004, 2017 және 2018 жылы туған төрт тұрғынынан да инфекция анықталды. Ағымдағы жылдың 24 мамырындағы жағдай бойынша Жамбыл облысының аумағында коронавирустық инфекцияның 292 жағдайы тіркелді. Ауырғандардың ішінен 171 адам сауығып, дәрігерлердің бақылауындағы үй карантиніне шығарылды.

Хабар 24 телеарнасы