421,58 498,90 5.57
+7 (7172) 757 485 24kz@khabar.kz
ҚАЗ


«Birgemiz» қорына тағы 10 млн доллар түсті

  • 317
  • UPD: 14:48, 18.06.2020
«Birgemiz» қорына тағы 10 млн доллар түсті Dixinews.kz

Елбасы, «Nur Otan» партиясының Төрағасы Нұрсұлтан Назарбаевтың бастамасымен халықтың әлеуметтік жағынан әлсіз тобына қолдау көрсету үшін құрылған «Birgemiz» қорына қосымша тағы 4 млрд теңге түсті.

Бұл қаражат аса мұқтаж отбасыларға көмек көрсетуді жалғастыруға мүмкіндік береді.

Қор төрағасы Руслан Сакеевтің мәлімдеуінше, қаражат қоғам өміріне бейжай қарамайтын төрт азаматтан түскен. Олар өз есімдерін атамай-ақ қоюды қалаған. Жалпы, Елбасының үндеуіне қолдау білдірген меценаттардың арқасында «Birgemiz» қорының есепшотында 28,5 млрд  теңгеденастам қаражат жинақталған.

Тұңғыш Президенттің тапсырмасы бойынша осы қаражат есебінен бүгінгі таңда 470 мыңнан астам отбасы немесе 1,6 млн қазақстандық атаулы көмекпен қамтылды. 23 қаланың және оларға іргелес ауылдар мен елді мекендердің аса мұқтаж отбасылары 50 мың теңгеден біржолғы төлемақы алды.

Сонымен бірге коронавируспен күреске жұмылдырылған 2 мыңнан астам медицина қызметкері де қор қаражатынан 50 мың теңгеден алды. «Jas Otan» волонтерлары қорғанысы әлсіз 100 мыңнан астам отбасыға «Birgemiz» қорының қаражатына сатып алынған 5 миллион масканы тегін жеткізіп берді.

Сонымен қатар Нұрсұлтан Назарбаевтың бастамасы бойынша Түркістан облысының Мақтаарал ауданында су басудан зардап шеккен Достық ауылының тұрғындарына арналған жаңа үйлердің құрылысы жүргізіліп жатыр.

Хабар 24 телеарнасы