423,41 498,70 5.56
+7 (7172) 757 485 24kz@khabar.kz
ҚАЗ


Жануарлардың аса қауіпті індетіне байланысты жағдай тұрақты – АШМ

  • 224
  • UPD: 16:29, 19.06.2020
Жануарлардың аса қауіпті індетіне байланысты жағдай тұрақты – АШМ

Үкімет отырысында ҚР ауыл шаруашылығы министрі Сапархан Омаров елдің эпизоотиялық жағдайын жақсарту бойынша жүргізілген жұмыстар туралы мәлімдеді.

Ол министрлер кабинеті басшысының қолдауымен министрлік 2019 жылы Қазақстан территориясын жануарлардың аса қауіпті ауруларының таралуынан және ветеринариялық-санитариялық тұрғыдан қауіпті мал өнімдерін әкелуден қорғайтын механизмдер енгізілгенін атап өтті. Атап айтқанда, «орталық-облыс-аудан» қағидаты бойынша ветеринарлық бақылау қалпына келтіріліп, Ресей Федерациясы және Қырғызстанмен шекарада 32 жаңа ветеринарлық бақылау пункттері орнатылды, деп хабарлады ҚР АШМ.

«Қабылданған шаралардың нәтижесінде 2020 жылдың 5 айында өткір және созылмалы инфекциялардың жекелеп таралуын қоспағанда Қазақстанда жануарлардың аса қауіпті індетінің эпизоотиялық жағдайы тұрақталды. Қаңтар-мамыр айларында жануарлардың өткір жұқпалы ауруларының 80 ошағы тіркелген болатын», - деді Сапархан Омаров.

Министрдің айтуынша, ветеринарлық алдын-алу шаралары уақтылы жүргізілуде. Қазіргі уақытта 28,6 миллион диагностикалық зерттеу жүргізілді (жоспардың 90%), жануарлар мен құстардың 19 аса қауіпті ауруына 70 миллионнан астам егу жүргізілді (5 айдағы жоспардың 97%).

Бүгінгі таңда өңірлердің 96% ветеринариялық дәрі-дәрмекпен қамтамасыз етілген, олардың көпшілігі отандық өнім. Мысалы, түйіндік дерматитке арналған дәрі-дәрмектер толықтай қазақстандық биология және биотехнология ғылыми-зерттеу институтынан алынды. Бұл шамамен 2,7 млрд теңгені үнемдеді. Сондай-ақ жақында осы институт ғалымдары әзірлеген түйе шешегіне қарсы вакцина сатып алу жоспарлануда.

Сондай-ақ министр Қазақстанда бруцеллез ауруының азайып келе жатқанын атап өтті.

«1 маусымдағы жағдай бойынша бруцеллездің 51 орталығы тіркелген, бұл өткен жылмен салыстырғанда 28-ге аз. Жануарлардың барлық түрлерінің 28,6 млн басын зерттеу барысында 28,8 мыңынан оң реакция байқалды, бұл – инфекцияның 0,1%», - деді Ауыл шаруашылығы министрлігінің басшысы.

Сонымен қатар биыл жануарлардың листериоз, анаэробты энтеротоксемия сияқты аса қауіпті індеттерінің тіркелуінің төмендеуі байқалады, сондай-ақ алдыңғы жылдары тіркелген аурулардың (топалаң, Ньюкасл ауруы, ринопневмония) жағдайы тұрақталды.

Ауыл шаруашылығы министрлігі қабылдаған шаралардың нәтижесінде Қазақстан аусыл, жылқы және шошқаның африкалық обасы, құс тұмауы және классикалық шошқа обасынан аман ел ретінде ресми халықаралық мәртебеге ие болды. Ұсақ мүйізді ірі қара мен сиыр індетіне мәртебе алу бойынша жұмыстар жүргізіліп жатыр. Осының арқасында отандық ауыл шаруашылығы тауар өндірушілері үшін экспорттық нарықтар ашылуда.

Өткен жылы Қытаймен шошқа етіне, сүт өнімдеріне және жүнге ветеринарлық талаптар келісілді. Бірнеше жыл бұрын ҚХР енгізген аусыл мен түйінді дерматитке қатысты шектеулер алынып тасталды. Бұл қазақстандық ет өнімдерінің аспан асты еліндегі кең нарыққа шығуына жол ашты.

Сондай-ақ Қазақстаннан Иранға союға арналған ірі қара мал, қой, ұсақ қара малдың жанама өнімдерін және азық-түлік жұмыртқаларын экспорттауға ветеринарлық талаптар келісілді. Жапонияға жылқы етін экспорттауға ветеринарлық сертификат жасалды.

«Өткен жылдың қорытындысы бойынша қазақстандық ауыл шаруашылығы өнімдерінің, оның ішінде мал шаруашылығы өнімдерінің Қытайға экспорты 50,5% өсті (жалпы экспорт 388 млн $), Парсы шығанағы елдеріне (Катар, Кувейт, БАӘ, КСА, Оман, Бахрейн) 3,2 есе (11,5 млн $ ), Орталық Азия елдеріне (Өзбекстан, Ауғанстан, Тәжікстан, Қырғызстан, Түркіменстан) 7,4% (1,5 млрд доллардан астам), ЕАЭО елдеріне 8,2% өсті ( 598 млн $).

Жалпы ауыл шаруашылық өнімдерінің экспорты өткен жылы 6,4 пайызға артып, 3,3 миллиард долларды құрады», - деді Ауыл шаруашылығы министрлігінің басшысы.

Хабар 24 телеарнасы