419,54 511.30 5.71
+7 (7172) 757 485 24kz@khabar.kz
ҚАЗ

800-ден аса ұландық жауынгер Әскери ант қабылдады

  • 695
  • UPD: 22:22, 27.06.2020
800-ден аса ұландық жауынгер Әскери ант қабылдады polisia.kz

800-ден аса ұландық жауынгер онлайн режимінде Әскери ант қабылдады, деп хабарлайды Polisia.kz.

Қазіргі жағдайды ескере, жас сарбаздар санитарлық-эпидемиологиялық талаптарды қатаң сақтай отырып, Әскери ант берді. Әскери қызметшілер бетперде кисе, объективті себептерге байланысты келе алмай қалған ата-аналар үшін онлайн көрсетілім ұйымдастырылды.

Жас сарбаздың курсын өткен еліміздің барлық өңірлерінен келген 800-ден астам сарбаз салтанатты түрде Отанға адал болуға ант беріп, толыққанды Отан қорғаушы атанды.

Жауынгерді әскери бөлімнің командирі, полковник Сәкентай Шекарбеков құттықтады. Құттықтау сөзінде ол жас сарбаздардың қырағы және жауапкершілікті болуы керектігін баса айтты. Сондай-ақ, олар өздеріне жүктелген міндеттерді орындағаннан кейін үйлеріне аман-есен оралуларын тіледі.

Айта кету керек, бұл жолы ант беру рәсімі санитарлық-эпидемиологиялық талаптарды қатаң сақтай отырып, сонымен қатар ата-аналары мен жақын әскери қызметкерлерінің қатысуынсыз өтті. Олар үшін арнайы әлеуметтік желілерде ант қабылдау салтанаты тікелей эфирде тарату ұйымдастырылды. Айта кету керек, тікелей эфир әр взвод үшін бөлек ұйымдастырылды, яғни ешкім назардан тыс қалмады және барлық ата-аналар ұлдарының ант қабылдағанын байқады. Жас сарбаздардың туыстары өздерінің ізгі тілектерін Ұлттық ұланның Инстаграмдағы ресми парақшасында жазды.

Жас сарбаздардың бірі қатардағы Айдар Сыздықов Қостанай облысынан шақырылған. Ол бүгін қаруластарының алдында сөз сөйлеу құрметіне ие болды.

«Біз қабылдаған Әскери антқа адал боламыз, әскери қызметті өткеруге және елордамыздың қауіпсіздігін қамтамасыз етуге бар күшімізді саламыз. Біз ел үшін күрделі кездерде қызмет ететінімізді ескеруіміз керек еді. Барлық қиындықтарға қарамастан, біз командирлер қойған барлық міндеттерді абыроймен орындап, мемлекет қауіпсіздігіне өз үлестерін қосамыз деп үміттенеміз» , – деді жас ант беруші.

5573 әскери бөлімінің жеке құрамы елорданың қоғамдық-саяси, спорттық, мәдени шараларына, сондай-ақ өңірдегі қоғамдық тәртіпті сақтауға белсенді қатысады. Мәселен, елдегі төтенше жағдай кезінде әскери бөлімнің сарбаздары Нұр-Сұлтан көшелерінде қоғамдық тәртіпті сақтау міндетін орындады және елордада карантиндік шараларды қамтамасыз етуге айтарлықтай үлес қосты.

Енді, ант берген әскери қызметшілер жақын арада елорда көшелерінде қоғамдық тәртіпті және қауіпсіздікті қамтамасыз ету бойынша міндеттерді орындауға кіріседі.

Хабар 24 телеарнасы