418,90 492,14 5.72
+7 (7172) 757 485 24kz@khabar.kz
ҚАЗ


Елордадағы ахуалдық орталық КВИ анықталған 750 науқасты стационарларға бөлді

  • 140
  • UPD: 16:32, 08.07.2020
Елордадағы ахуалдық орталық КВИ анықталған 750 науқасты стационарларға бөлді astana.gov.kz

Нұр-Сұлтанда ахуалдық және байланыс орталықтары жұмыс істейді, олар арқылы қызметкерлер КВИ анықталған науқастарды стационарларға бөледі.

Бұл туралы елорда әкімдігінің баспасөз қызметі хабарлайды.

Осылайша, жақында құрылған ахуалдық орталық емханалардағы науқастармен жұмыс істейді. 23 маусымнан бастап 750 науқасты стационар бойынша бөлді, байланыс орталығы жедел жәрдем станциясымен тікелей жұмыс істейді (тел.: 705103). Күн сайын шамамен 500 өтініш қабылдайды. Бұл орталықтар жедел жәрдем станциясы жүктемесін айтарлықтай төмендетуге мүмкіндік берді.

«Науқастар легін дұрыс бөлу өте маңызды. Жедел жәрдем станциясы базасында бұрын кеңес залы болған. Біз оны ахуалдық және байланыс орталықтары деп өзгерттік. Мұндай орталықтардың ашылуы жедел жәрдем шақырушылар санын азайтуға ғана емес, сонымен қатар науқастарға жедел медициналық көмек көрсетуге мүмкіндік береді. Егер бұрын жедел жәрдемге күніне 3 мыңнан астам өтініш түссе, қазір 2 мыңнан сәл артық. Сонымен қатар жедел медициналық көмек станциясының телеграм-боты (@ns103bot) іске қосылды. Телеграм чат-бот 24 маусымнан бері 1800 өтініш қабылдады. Кері байланысты күшейту бойынша жүйелі жұмыстар жүргізіп жатырмыз», – деді қала әкімі Алтай Көлгінов.

Хабар 24 телеарнасы