420,67 511.30 5.60
+7 (7172) 757 485 24kz@khabar.kz
ҚАЗ

Жетісуда 90 келіге жуық балық аулаған браконьерлер ұсталды

  • 345
  • UPD: 14:08, 16.07.2020
Жетісуда 90 келіге жуық балық аулаған браконьерлер ұсталды polisia.kz

Алматы облысында 90 келіге жуық ақ амур мен сазан балықтарын аулаған адамдар ұсталды.

Браконьерлер табиғатты қорғау полициясы мен Орман және аңшылық шаруашылығы комитеті қызметкерлерінің бірлескен рейді барысында ұсталды, деп хабарлайды Polisia.kz.

– Тасқарасу кентінің шетінде жүргізушісі және екі жолаушысы бар «Ваз-2104» маркалы автокөлігі тоқтатылды. Олардың барлығы Панфилов ауданының тұрғындары. Автокөлікті тексеру барысында машинадан ірі балықтың екі қапшығы, атап айтқанда сазан мен ақ амур балықтары табылды. Біз бұл балықтар желілердің көмегімен ұсталған деген қорытындыға келдік. Жалпы ауланған өнімнің салмағы 88 келіні құрап отыр. Сонымен қатар олардан үрлемелі резеңке қайық, екі электр фонарі, батпаққа арналған резеңке етік және басқа да балық аулау құралдары тәркіленді, – деді Ұйғыр аудандық полиция бөлімі бастығының орынбасары Махамет Тураржан.

Аталған дерек ҚР ҚК-нің 335-бабы 1-бөлімі бойынша тіркелді. Күдіктілер мекежайын өзгертпеу туралы міндеттемемен босатылды. Браконьерлер мінген автокөлік сот шешіміне дейін айып тұрағына қойылды. Күдіктілерден алынған балық балық инспекциясына тапсырылды. Заңсыз ауланған балықтарды сатудан түскен қаражат мемлекет кірісіне аударылады.

Хабар 24 телеарнасы