423,41 498,70 5.56
+7 (7172) 757 485 24kz@khabar.kz
ҚАЗ


Қызылордада «Syr volonterlary» орталығы жұмысын бастады

  • 245
  • UPD: 19:53, 24.07.2020

Енді аймақ еріктілерінің жұмысы бірыңғай жүйе бойынша бақыланады, деп хабарлайды «Хабар 24».

Бүгінде әркім әлі келгенше әлеуметке қарасып-ақ жатыр. Бірақ көмекті қажет ететін әлжуаз топтар әлі де толық қамтылмай отыр. Оған себеп – ортақ есеп-санақтың болмауы. Мысалы, бір отбасына айына төрт жерден көмек берілсе, өзге отбасы мүлдем назардан тыс қалады. Шығармашылық үйінде орналасқан жаңа орталық осы олқылықты жояды. 7 бағыттық жобаларды жүзеге асыратын «Syr volonterlary» ұйымы игі іске жұмылғысы келетін барша ынталы азаматтар мен меценаттарды бірігуге шақырады.

Мира Қазбекова, облыстық ішкі саясат басқармасының басшысы:

– «Саулық» бағдарламасы бойынша қазіргі эпидахуалға байланысты белсенділік танытуда. Азаматтық қоғам институттары дәрі-дәрмекпен қамтамасыз етуде, жедел жәрдеммен көмек көрсетуде немесе көлікпен қамтамасыз етуде. «Қамқорлық» бағыты бұл мұқтаж азаматтарға, мүмкіндігі шектеулі жандарға гуманитарлық көмек көрсету мақсатында еріктілер тартылатын болады. 

Болатбек Айтбенбетов, облыстық фронт-кеңсе жетекшісі:

– Осы жердегі Саll-орталыққа хабарласқан азамат-азматшаларды тіркеп, барлығы бір база ішінде болып, азық-түлік, киім-кешек, дәрілер бірдей үлестірілуін қамтамасыз ететін бірден-бір орталық деп айтсам болады.

Хабар 24 телеарнасы