426,32 497,47 5.54
+7 (7172) 757 485 24kz@khabar.kz
ҚАЗ


Алтай Көлгінов қолжетімді тұрғын үй құрылысымен танысты

  • 220
  • UPD: 10:18, 05.08.2020
Алтай Көлгінов қолжетімді тұрғын үй құрылысымен танысты

Мемлекет басшысының тапсырмасына сәйкес биыл елордада қолжетімді тұрғын үй құрылысының көлемі едәуір артады, деп хабарлады елорда әкімдігінің ресми сайты.

«Алматы ауданында (А102, А105, А108, А129, А130 көшелерінің қиылысы) қолжетімді кредиттік тұрғын үй құрылысы жүргізіліп жатыр. Мұнда 1900-ге жуық пәтер салынады», - деп хабарлады Нұр-Сұлтан әкімі өзінің instagram парақшасында.

Ауданда жаңа мектеп пен балабақша болады.

«Кезекте тұрған қала тұрғындары мен тұрғын үй құрылыс жинақ банкінің салымшылары үшін әлеуметтік тұрғын үй салып жатырмыз. Келесі жылдарға дайындық жұмысы басталды. Мемлекет басшысының тапсырмасына сәйкес биыл қолжетімді тұрғын үй құрылыс көлемін едәуір арттырамыз», - деді Алтай Көлгінов.

Хабар 24 телеарнасы