427,91 501,70 5.60
+7 (7172) 757 485 24kz@khabar.kz
ҚАЗ


Мұнай өнімін заңсыз сатқан кәсіпкер сотталды

  • 150
  • UPD: 15:36, 06.08.2020
Мұнай өнімін заңсыз сатқан кәсіпкер сотталды

Қызылордада мұнай өнімдерін заңсыз өңдеу, шығару және сатуға қатысты қылмыстық іс аяқталып, сот үкімі шықты, деп хабарлады ҚР ҚМ ҚМК баспасөз қызметі.

1972 жылы туылған азамат 2016 жылдан бастап кәсіпкерлікпен, яғни облыстағы мұнай компанияларымен арада жасалған келісімшарттар негізінде мұнай бассейндерін тазалау, нефтешламдарды шығару және жою қызметтерімен шұғылданған. Алайда араға жылдар салып заңсыз әрекеттерге бет бұрғаны байқалады. Мұнай бассейндерін тазалау және қалдықтарды жою үшін жасалған келісімдерді пайдаланып, өңделмеген мұнай өнімдерін қыздырып, тұндырылған өнімді иемдену және сату жоспарын іске асырған. Пайда болған өнімді мұнай қалдықтарын тасымалдауға арналған көлік құралдарының көмегімен кен орнынан алып шығып, заңсыз мұнай өнімінің тоннасын 110 мың теңгеден бірнеше заңды тұлғаға сатқан.

Қылмыстық әрекеттің жазасын Қызылорда қалалық №2 сотының қашықтықтан өткен ашық сот отырысы белгіледі.

ҚР ҚК 197 бабы 3 б. (мұнай және мұнай өнiмдерiнің шығарылу заңдылығын растайтын құжаттарсыз оларды тасымалдау, иемдену, өткiзу, сақтау, сондай-ақ мұнайды қайта өңдеу) және 218 бабы 1 б. (қылмыстық жолмен түскен табысты заңды айналымға тартып, иемденіп және пайдалану) сәйкес «Тандем Петролеум» ЖШС-нің директорына 1 жыл 6 айға бас бостандығынан шектеу жазасы тағайындалды. Жаза мерзіміне пробациялық бақылау белгіленді.

Хабар 24 телеарнасы