426,32 497,47 5.54
+7 (7172) 757 485 24kz@khabar.kz
ҚАЗ


Елордада жаңа арбат салынады

  • 200
  • UPD: 14:12, 07.08.2020
Елордада жаңа арбат салынады

Елордада «Жастар» сарайына қарама-қарсы жерде жаңа арбат пайда болады, деп хабарлады қала әкімдігінің ресми сайты.

Ж.Омаров атындағы жаңа жаяу жүргіншілер көшесінде 2 субұрқақ салу жоспарланған. Бүгінгі таңда Ж.Омаров көшесі Республика даңғылынан Қ.Қуанышбаев атындағы қазақ музыкалық-драма театрына дейін абаттандырылуда. Бірінші кезең – Әуезов көшесіне дейінгі аймақ биыл аяқталады. Бейбітшілік көшесіне дейінгі бөлікті келесі жылы аяқтау жоспарлануда.

Жоба бойынша Республика даңғылынан Әуезов көшесіне дейін субұрқақты қайта құру қарастырылған. Жаңа субұрқақ кешені «Халықтар Достығы» монументінің айналасында салынады. Одан субұрқақпен аяқталатын жасанды ағын пайда болады. Ағынның бойында су аттракциондарын салу жоспарлануда.

Тағы бір субұрқақ Қуанышбаев атындағы қазақ музыкалық-драма театрының жанында салынады. Бұл аумақта шағын сәулет нысандары, инсталляциялар, веложол, көлеңкелі шатырлар қойлады. Сауда павильондарын, ойын аймақтары мен балалар алаңдарын салу қарастырылған.

Бұл жұмыс «Нұр-Сұлтан – жайлы қала» жоспары шеңберінде жасалуда. Ол жаяу жүргіншілерге жағдай жасау, көп орталықтылыққа бағытталған тәсілдерді енгізу, жасыл желектер мен веложолдар санын ұлғайту, көпірлер, қоғамдық кеңістіктер салуды қарастырады.

Хабар 24 телеарнасы