426,19 497,47 5.54
+7 (7172) 757 485 24kz@khabar.kz
ҚАЗ


Елімізде 17 тамыздан бастап бірнеше халықаралық рейс жанданады

  • 194
  • UPD: 17:20, 12.08.2020
Елімізде 17 тамыздан бастап бірнеше халықаралық рейс жанданады

Біріккен Араб Әмірліктеріне, Беларусь Республикасына, Германияға, Нидерландыға, Египетке, Украинаға және Ресей Федерациясына халықаралық рейстер кезең-кезеңмен жанданады, деп хабарлады ҚР ИИДМ баспасөз қызметі.

«ҚР аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның 11 тамыздағы шешіміне сәйкес ҚР Денсаулық сақтау министрлігінің ұсынымдарын, эпидемиологиялық жағдайдың деңгейін ескере отырып, ДДСҰ картасына сәйкес 2020 жылғы 17 тамыздан бастап Біріккен Араб Әмірліктеріне, Беларусь Республикасына, Германияға, Нидерландыға, Египетке, Украинаға және Ресей Федерациясына халықаралық рейстер кезең-кезеңмен жаңартылады», - делінген хабарламада.

Министрлік жоғарыда аталған елдердің авиациялық органдарымен бірлесіп тұрақты жолаушылар рейстерін қалпына келтіру мәселесін алдын ала пысықтады. Осылайша, бұл елдер санитарлық-эпидемиологиялық талаптарға сәйкес (термометрия, әлеуметтік дистанция, маска режимі, ПТР тестілеу және т.б.) Қазақстанмен арадағы әуе қатынасын қалпына келтіруді қолдайды.

Сонымен бірге Ресейге ұшу үшін Ресей тарапынан рұқсат талап етілетінін атап өткен жөн.

Халықаралық бағыттар бойынша рейстердің саны әуе қатынасы туралы үкіметаралық келісім негізінде және әр бағыттағы әуе кемелерінің коммерциялық жүктемесіне байланысты орындалады.

Рейстер мен билеттерді сату әуекомпаниялардың сайттарында жарияланған кестеге сәйкес азаматтардың жоғарыда аталған елдермен мемлекеттік шекаралар арқылы өтуіне шектеулер алынып және Қазақстан мен тиісті елдер белгілеген санитарлық қауіпсіздік шаралары күшейтілген жағдайда эпидемиологиялық жағдайдың жақсаруына қарай жүзеге асырылатын болады.

Хабар 24 телеарнасы