420,76 499,50 5.62
+7 (7172) 757 485 24kz@khabar.kz
ҚАЗ


Қызылорда облысында салынып жатқан жол сапасы бақылауға алынды

  • 149
  • UPD: 09:50, 18.08.2020
Қызылорда облысында салынып жатқан жол сапасы бақылауға алынды

Қызылорда облысындағы «Жаңақұрылыс – Бекарыстан би» бағытындағы жол құрылысы жалғасын табады, деп хабарлайды «Хабар 24».

2018 жылы аталған жолдың 9 шақырымы салынған. Бірақ зертханалық сынамалардың нәтижесінде жол сапасының тиісті талаптарға сәйкес еместігі анықталды. Мәселен, асфальттың қалыңдығы жобадағыдай 6 сантиметр емес, небәрі 4 сантиметрден аспаған. Екі елді мекен арасын жалғайтын 23 шақырым жолды жаңарту ауылдықтардың талай жылғы арманы еді. Жобаның жалпы құны 500 миллион теңгеге жуықтайды.

Бақытжан Ниязов, облыстық сыбайлас жемқорлыққа қарсы іс-қимыл департаменті басшысының бірінші орынбасары:

- 2019 жылы қаржы қаралмаған. 2020 жылы қазір 123 миллион теңге қаражат бөлінді. Зерделеу барысында анықталған ақаулардың жөнделетіндігі туралы тапсырыс беруші бізге мәлімет беріп отыр. Арада бір ай өткеннен кейін қайтадан зерделеп, тағы да сынамалар алынып, бұл мәселеге қайтып оралатын боламыз.

Хабар 24 телеарнасы