421,44 499,50 5.62
+7 (7172) 757 485 24kz@khabar.kz
ҚАЗ


Елордада ерекше білім беру қажеттілігі бар балаларға арналған ресурстық орталықтар ашылады

  • 150
  • UPD: 11:45, 20.08.2020
Елордада ерекше білім беру қажеттілігі бар балаларға арналған ресурстық орталықтар ашылады

Елордада ерекше білім беру қажеттіліктері бар балаларды қамту бойынша жүйелі жұмыстар жүргізілуде, деп хабарлады әкімдіктің ресми сайты.

Ерекше білім беру қажеттіліктері бар балаларды тәрбиелеу және оқытуға жағдай жасалған мектепке дейінгі ұйымдардың үлесі 32,9% құрайды, жоспар бойынша 30%.

Қазіргі уақытта екі арнайы балабақша бар – № 23 және 64. 26 мектепке дейінгі ұйымда түрлі кемістігі бар (есту, сөйлеу, психикалық, ақыл-ойы нашар дамыған балалар) 570 оқушыға арналған 45 түзету тобы жұмыс істейді.

Биыл алғаш рет он балабақшада аутизм спектрі бұзылған 100 балаға арналған арнайы топтар құрылды.

«45 мектепке дейінгі ұйымда 300-ден астам баланы қамтитын инклюзивті білім беру топтары жұмыс істейді. 13 балабақшада және алты шағын орталықта барлығы 275 баланы қамтитын психологиялық-педагогикалық оңалту кабинеттері бар. Он балабақшада 72 оқушыға арналған логопедиялық орталықтар ашылды», – деп хабарлады білім басқармасы.

Осы жылдың шілде айынан бастап 62 орынға арналған мемлекеттік білім беру тапсырысына бірінші рет бес жеке балабақша орналастырылды. Сондай-ақ «Шуақты әлем» және «Co-Make» қоғамдық қорыларның аясында 155 орындық психологиялық-педагогикалық түзету кабинеттеріне мемлекеттік білім беру тапсырысы орналастырылды.

Ерекше білім беру қажеттіліктері бар балаларды қамту үшін, көру қабілеті төмен балаларға арналған жаңа балабақша қыркүйекте пайдалануға беріледі деп жоспарлануда. Сонымен қатар 2020/21 оқу жылында № 22, 23, 25, 64 мектепке дейінгі ұйымдардың базасында ресурстық орталықтар құрылатын болады.

Сондай-ақ 28 мектепке дейінгі ұйымда ерекше білім беру қажеттіліктері бар балаларға арналған арнайы топтар ашу жоспарлануда.

Хабар 24 телеарнасы