420,76 499,50 5.62
+7 (7172) 757 485 24kz@khabar.kz
ҚАЗ


Мәжіліс депутаты Алматы облысындағы шекарашылар заставасына барды

  • 109
  • UPD: 11:32, 24.08.2020
Мәжіліс депутаты Алматы облысындағы шекарашылар заставасына барды

Мәжіліс депутаты Бақытбек Смағұл Алматы облысындағы «Баянкөл» шекаралық заставасына барып, шекарашылардың тұрмыс-тіршілігімен танысты, деп хабарлады Мәжілістің баспасөз қызметі.

Бақытбек Смағұлдың айтуынша, командирлер тұратын ескі үйлерге жөндеу жүргізіліп, ал қатардағы жауынгерлерге арналған үйлердің қабырғаларын жылу оқшаулағыш материалдармен қаптап, астына іргетас құйып, қыста жылы, жазда салқын, оның үстіне алыстан көрінбейтін, жасырын, ұқыпты баспаналар дайындалуда.

Сонымен қатар сапар барысында Бақытбек Смағұл Райымбек ауданы халқымен кездесіп, аудан орталығында бой көтерген жаңа ғимараттарды және қазіргі кезде қызу жұмыстар жүргізіліп жатқан құрылыс алаңдарына барды. Қазіргі уақытта аудан орталығы Нарынқол ауылында биыл жергілікті тұрғындарға арналған 83 тұрғын үй салынуда. Ал мемлекеттік қызметкерлер игілігіне 4 қызметтік тұрғын үй тапсырылмақ.

Сондай-ақ Бақытбек Смағұл «Жұмыспен қамту жол картасы» негізінде Қызылшекара ауылының ауыз су жүйесін қайта жаңғыртуға және Нарынқол, Жаңа-Текес ауылдарында көшелерді жарықтандыру жұмыстары басталғанына ерекше назар аударды. Жаңа ауданның инфрақұрылымы да жаңғыруда. Сапар аясында Бақытбек Смағұл оны да бақылап қайтты.

Нарынқол ауданында жергілікті маңыздағы жолдар да жаңадан төселуде. Мәжіліс депутаты Бақытбек Смағұл Мәжілістің заң шығарушылық жұмысында ескеруі үшін халықтың әлеуметтік мәселелеріне ерекше назар аударды.

Хабар 24 телеарнасы