loader


СҚО-да 100-ден астам білім беру ұйымы күрделі жөндеуден өтеді

Балабақшалар, мектептер мен колледждерде су мен кәріз жүйесін жаңарту, шатыр мен терезені ауыстыру жұмыстары жүргізіліп жатыр, деп хабарлайды «Хабар 24».

Олардың сапасын қоғам белсенділері бақылайды.

Қоғамдық тексеріс. Топ жетекшісі – Ғафура Бөстекова. Өзі директор. Мектептердің жайын жақсы біледі. Бүгін де құрылысшыларды сұрақтың астына алып, кеткен кемшіліктерді көздерінше бетке басты. 

Ғафура Бөстекова, «Nur Otan» партиясы СҚОФ жанындағы мониторингтік тобының жетекшісі:

– Шатырды ауыстырып отыр. Біз кемшіліктерін айтып шықтық. Оның сапасын және өртке қарсы жұмыстардың жасалмағанын айттық. 1, 2, 3 күннен кейін мектептерге біздің топ барады. Соны қалай ескергенін, жасағанын біз бақылаймыз.

Бақыламаса болмайды. Бюджеттен бөлінген ақша аз емес. Биыл білім беру ұйымдарына 5 млрд теңге бағытталды. Шалғай ауылдардың мектебі де жөнделіп жатыр. Ең бастысы дәретханалар ішке кіргізілді.

Владимир Ткаченко, облыстық білім басқармасы басшысының орынбасары:

– Облыс бойынша 52 мектептің дәретханасы далада орналасқан еді. Биыл бұл мәселе түбегейлі шешілді. Қазір Мағжан Жұмабаев ауданында ғана 6 мектеп қалды. Олар жаңа оқу жылына дейін дайын болады.

Биыл жаңа оқу жылы қашықтықтан басталады. Бұл кестеден кешігіп жатқан құрылысшылардың ыңғайына келіп тұр. Бүгінгі таңда 107 нысанның 49-ы ғана дайын болды.  

Авторлары: Айдарбек Айтмұхамбетұлы, Руслан Әлиев

Сондай-ақ...