428,35 499,00 5.47
+7 (7172) 757 485 24kz@khabar.kz
ҚАЗ


Қазақстанда пандемия кезінде 4 587 жұп ажырасқан

  • 172
Қазақстанда пандемия кезінде 4 587 жұп ажырасқан АиФ

Қазақстанда 2020 жылдың наурызынан маусымына дейін 4 587 жұп ажырасқан, деп хабарлайды Tengrinews.kz.

Статистика комитетінің мәліметінше, пандемияның алғашқы айында (наурыз) Қазақстанда ажырасу саны – 2 103, сәуірде – 332, мамырда – 731, маусымда 1 421 болды. Әзірге шілде айындағы ресми статистика жоқ.

Яғни 2020 жылдың қаңтарынан маусымына дейін елімізде барлығы 12 747 жұп ажырасқан.

Қазақстанда пандемияның төрт айында ажырасудың ең көп саны Алматыда тіркелген екен. Наурыз, сәуір, мамыр және маусым айларында Алматыда 554 жұп ажырасқан.

Екінші орында – Қарағанды облысы. Наурыздан маусымға дейін бұл аймақта 516 ерлі-зайыпты ажырасқан.

Үшінші орында – Алматы облысы, осы кезеңде 503 жұп ажырасқан.

Ажырасулардың ең аз саны Қызылорда облысында тіркелген, онда пандемия және өзін-өзі оқшаулау кезеңінде барлығы 31 ажырасу тіркелген.

Нұр-Сұлтанда 345 жұп ажырасса, Шымкентте 184 жұп ажырасқан екен.

Хабар 24 телеарнасы