421,58 498,90 5.57
+7 (7172) 757 485 24kz@khabar.kz
ҚАЗ


Елордада мобильді бригадалардың жұмысы күшейтілді

  • 105
  • UPD: 11:52, 10.09.2020
Елордада мобильді бригадалардың жұмысы күшейтілді

Нұр-Сұлтан қаласы Қоғамдық денсаулық сақтау басқармасы Covid-19 індетіне, сонымен қоса тұмау және ЖРВИ сияқты маусымдық аурулар санының көбеюін ескере отырып, дайындық жұмыстарын жүргізуде.

Бүгінде қалада эпидемиологиялық жағдай тұрақты. Қоғамдық денсаулық сақтау басқармасы күзгі-қысқы кезеңде COVID-19-дың алдын алу және емдеу бойынша шаралар жоспары дайындалып, бекітілді, деп хабарлады әкімдіктің ресми сайты.

Алғашқы медициналық-санитарлық көмек ұйымдарының деңгейінде COVID-19 симптомсыз және ауруы жеңіл болып келетін, сондай-ақ індет жұқтырғандармен байланысқа түскен адамдарға науқастарды қашықтықтан басқару бойынша жұмыс ұйымдастырылады. КВИ және пневмониямен ауыратын науқастарға үй жағдайындағы ауруханалар ұйымдастыру, сондай-ақ оларға ақысыз дәрі-дәрмектер беру қарастырылған.

«Қаланың емханаларында мобильді топтардың жұмысы пациенттерге үйге бару арқылы қызмет көрсету жұмысы ұйымдастырылды. Індетке күдікті науқастардан т.с.с. коронавирустық инфекцияға үйден ПЦР тест алу қарастырылған. Олардың саны 207-ні құрайды», - деді денсаулық сақтау басқармасы басшысының орынбасары Әлия Рүстемова.

Қалалық емханаларда әлеуметтік арақашықтықты ескере отырып пациенттер үшін күту бөлмелері, респираторлы аурулары бар науқастарды қабылдау үшін фильтр кабинеттерді ұйымдастыру қарастырылған.

Қауіпті топтағы пациенттерді (гипертония, қант диабеті, коронарлық артерия ауруы, астма және басқалары) тұрақты түрде бақылау мобильді топтарды тартуымен жалғасатынын атап өткіміз келеді. Науқастарлы жоспарлы түрде қабылдау міндетті алдын ала жазылу арқылы жүзеге асырылады.

Хабар 24 телеарнасы