420,76 499,50 5.62
+7 (7172) 757 485 24kz@khabar.kz
ҚАЗ


Жамбыл облысында жоғалып кеткен 7 жасар бала табылды

  • 89
  • UPD: 15:55, 16.09.2020
Жамбыл облысында жоғалып кеткен 7 жасар бала табылды

Таразда жоғалып кеткен 7 жасар Рысбай Ерікті іздестіру жұмыстары аяқталды.

Бала аман-есен, өміріне қауіп төніп тұрған жоқ, деп хабарлады Tengrinews.kz полиция департаментіне сілтеме жасап.

Жамбыл облысы полиция департаментінің басшысы полиция генерал-майоры Жанат Сүлейменов кәмелетке толмаған баланы іздеу бойынша ауқымды іздестіру шараларын жеке өзі басқарды.

Бала полиция қызметкерлері мен жергілікті тұрғындардың күшімен Көкжілек ауылында қамыс арасында табылды, ол сол жақта түнеген екен. 

Жанат Сүлейменов кәмелетке толмаған баланы іздеуге қатысқандардың барлығына алғысын білдірді.

Еске салайық, мұның алдында Жамбыл облысында 7 жасар баланың жоғалып кеткені туралы хабарланған болатын.

Хабар 24 телеарнасы