424,85 498,70 5.58
+7 (7172) 757 485 24kz@khabar.kz
ҚАЗ


Тергеу изоляторына бауырсақтың ішіне жасырып телефон кіргізбек болғандар ұсталды

  • 83
  • UPD: 16:49, 17.09.2020
Тергеу изоляторына бауырсақтың ішіне жасырып телефон кіргізбек болғандар ұсталды

Ақтөбе тергеу изоляторында бауырсаққа жасырып кіргізбек болған телефон тәркіленді, деп хабарлады Polisia.kz.

Ақтөбе облысы бойынша ҚАЖ департаментіне бағынысты КА-168/1 тергеу изоляторының тәртіп және күзет қызметкерлері аталған мекемеде қамауда отырған сотталғанмен кездесуге келген азаматтың сәлемдемелерін тексеру кезінде фальга қағазына оралған, қолдан пісірілген бауырсақтың ішінен «Nokia» шағын телефонын тауып, тәркіледі.

Кездесуге келген Ақтөбе облысының 24 жастағы тұрғыны мекемеге тыйым салынған затты есірткімен айналысу бойынша қамауда отырған ағасына жеткізбек болған.

– Азамат С.М. өзінің түсініктемесінде кінәсін толық мойындады. Құқықбұзушыға қатысты Қазақстан Республикасының Әкімшілік құқықбұзушылық туралы кодексінің 481-бабы бойынша хаттама толтырылып, материал Ақтөбе қаласының мамандандырылған әкімшілік сотына жолданды. Сонымен қатар мекемеге ұялы телефон алып кірмек болған азамат бір жыл бойы мекемеге кездесуге келу құқығынан айырылады, – деп хабарлады Ақтөбе облысы бойынша Қылмыстық-атқару жүйесі департаментінің баспасөз қызметі.

Хабар 24 телеарнасы