428,68 501,70 5.55
+7 (7172) 757 485 24kz@khabar.kz
ҚАЗ


Нұр-Сұлтанда марафон басталды: спортқа бейімді отбасыларға сертификат табысталады

  • 105
  • UPD: 12:05, 25.09.2020
Нұр-Сұлтанда марафон басталды: спортқа бейімді отбасыларға сертификат табысталады Елорда әкімдігі

Қатысушыларды тіркеу 27 қыркүйекке дейін жалғасады, деп хабарлайды әкімдіктің ресми сайты.

Нұр-Сұлтанда жас отбасыларға арналған «Денсаулық – зор байлық» марафоны басталды.

«Спортқа бейімді отбасы» атағы үшін қатысушылар 21 күн ішінде ең аз қашықтықта бір шақырым жүгіреді. Бұл жағдайда қатысушылар күн сайын жүгіру бағыты мен күнін көрсететін қосымшадан скриншоттарды жіберуі керек, сонымен қатар үш фотосурет пен бейне тренингтерді қоса беруі керек.

«Марафон «Отбасы – бақыт мекені» жобасы аясында отбасы арасындағы толық сенім, қолдау, махаббат атмосферасында спорттық рухты тәрбиелеу және нығайту мақсатында өткізіледі. Отбасылық жүгіру денсаулыққа жауапкершілікпен қарауды қалыптастыруға, спортты насихаттауға, жас отбасылар арасында салауатты өмір салтын ұстануға ықпал етуі тиіс», – деп атап өтті қалалық жастар саясаты мәселелері басқармасынан.

Жарыс соңында 20 жеңімпаз анықталады.

Олар 50 мың теңге сомасына спорттық тауарларға немесе тұрмыстық техника мен электроникаға арналған дипломдармен, гүлдермен және сертификаттармен марапатталады.

«Байқауға марафон басталғанға дейін ресми түрде некелерін тіркеген Нұр-Сұлтан қаласында тұратын жас отбасылар қатыса алады. Ерлі-зайыптылардың біреуінің немесе ерлі-зайыптылардың жасы 29 жастан аспауы керек.

Қабылдау 27 қыркүйек күні сағат 18-ге дейін созылады. Байқауға қатысу үшін жас отбасылар Strava, TrainingPeaks, Wahoo ELEMNT Companion, map my ride by Under Armour, Relive, RUNMETER Running&Cycling GPS қосымшаларының бірінде, IOS немесе Android платформасында тіркелуі керек.

Тіркеу кезінде некені тіркеу туралы куәліктің және бар болған жағдайда балалардың туу туралы куәлігінің көшірмелерін қоса беру қажет. Телефон нөмірлері, тұратын ауданы, әлеуметтік желілердегі аккаунттар, отбасы мүшелерінің саны сияқты байланыс ақпаратын elorda.otbasy@gmail.com электрондық поштаға жіберу қажет немесе +7 777 273 43 83 телефон нөміріне», – дейді ұйымдастырушылар.

Сондай-ақ, марафоншыларға инстаграмда @ns_jastary, @elorda.otbasy аккаунттарына жазылу қажет.

Хабар 24 телеарнасы