432,64 506,00 5.46
+7 (7172) 757 485 24kz@khabar.kz
ҚАЗ

Құрлық әскерлерінің әскери институтына Сағадат Нұрмағамбетовтің есімі берілді

  • 144
  • UPD: 10:30, 29.09.2020
Құрлық әскерлерінің әскери институтына Сағадат Нұрмағамбетовтің есімі берілді

2020 жылғы 11 қыркүйектегі Үкімет қаулысымен еліміздегі әскери кадрларды даярлайтын бірегей білім ордасы – Құрлық әскерлерінің Әскери институтына армия генералы Сағадат Нұрмағамбетовтің есімі берілді, деп хабарлады Қорғаныс министрлігінің баспасөз қызметі.

Сағадат Қожахметұлы Нұрмағамбетов – Тәуелсіз Қазақстанның тұңғыш қорғаныс министрі, Кеңес одағының батыры, ең алғашқы халық қаһарманы. Ол Ұлы Отан соғысы жылдарында даңқты жауынгерлік жолын Берлинде аяқтаған. Кеңес одағы кезінде М.И.Фрунзе атындағы Әскери академияны бітіргеннен кейін ол түрлі штабтық және командалық лауазымдарда, Венгриядағы Оңтүстiк топ әскерлерi қолбасшысының бiрiншi орынбасары қызметтерін атқарды. Тәуелсіз Қазақстан армиясының қалыптасуы мен дамуының алдыңғы шебінде болды.

Биыл әскери жоғары оқу орны жарты ғасырлық мерейтойын атап өтті. Осы уақыт ішінде Құрлық әскерлерінің Әскери институты 13 мыңнан астам офицерді даярлап шығарды. Олардың ішінде 80-нен астам түлек Қазақстанда да, сондай-ақ шет мемлекеттер де генерал шенін иемденген.

Хабар 24 телеарнасы