428,68 501,70 5.55
+7 (7172) 757 485 24kz@khabar.kz
ҚАЗ


Қазақстанда этномәдени бірлестік белсенділері үшін білім беру онлайн-лагерінің жұмысы басталды

  • 175
Қазақстанда этномәдени бірлестік белсенділері үшін білім беру онлайн-лагерінің жұмысы басталды

Республикалық «Этномәдени бірлестіктердің белсенді қатысуымен жастар арасындағы әлеуметтік бірлік мәдениетін дамыту» жобасының білім беру онлайн-лагерінің тренингтері басталды.

Жобаның ұйымдастырушысы Ұлттық дельфий комитеті Қазақстан Республикасы Ақпарат және қоғамдық даму министрлігінің қолдауымен «Азаматтық қолдамаларды бастау орталығы» КЕАҚ гранттық қаржыландыруы шеңберінде іске асырып отыр.

Оқыту Halyk Tarihy мобильдік қосымшасы базасында ашық қолжетімділікте орналастырылған жобаның интеллектуалды викторинасына қатысу арқылы алдын ала іріктеуден өткен Қазақстанның түкпір-түкпіріндегі этномәдени бірлестіктердің 100 белсендісіне арналып өткізіледі.

5 күн бойы білім беру тренингтерінің қатысушылары келесі: көпэтносты Қазақстандағы бейбітшілік пен келісім үлгісінің негізгі аспектілері; тарихтың ортақ беттерін түсіну арқылы қоғамды топтастыру; қазақ тілі – этносаралық келісімнің негізі, жобаларды басқару және жаңа медиа қоғамдық пікірге әсер ету құралы ретінде бағыттары бойынша өткізіледі.

Жоба тренерлері Қазақстан халық ассамблеясы төрағасының орынбасары Шерзод Пулатов, «Жаңғыру жолы» ҚХА РЖҚ төрағасының орынбасары, ҚХА жанындағы «Жарасым» РЖБ төрағасы Тимур Жұмырбаев, Ақмола облысы бойынша ҚР Президенті жанындағы МБА филиалының директоры Белла Газдиева, Л.Н. Гумилев атындағы ЕҰУ саясаттану кафедрасының профессоры Наталья Калашникова, PR-эксперт, «Rona Group» коммуникациялық агенттінің жетекшісі Мира Билялова, «Вolashak RL» жобаларды басқару тобының жетекшісі, Л.Н. Гумилев атындағы ЕҰУ докторанты Бірлік Меңдібаев болып табылады.

Тренингтің нәтижесі бойынша 20 белсенді қатысушы Soft skills сұранысқа ие машықтар бойынша курстан өткендігі жайлы сертификат пен Қолданбалы этносаяси зерттеу институтында тағылымдамадан өту мүмкіндігіне ие болады.

Бүгінгі таңда жоба аясында Ұлттық дельфий комитетінің әлеуметтік желілерінде этномәдени бірлестіктердің өкілдерін тарта отырып, жастардың бірыңғай құндылықтарын, бірыңғай тарихи санасын қалыптастыру бойынша білім беру бейнедәрістері орналастырылған. Әрбір көңілі қалаған жан Ұлттық дельфий комитетінің youtube-арнасындағы материалды тыңдай алады.

Іс-шараны ұйымдастырушылар атап өткендей, аталған жобаны өткізу қазақстандық жастар арасында әлеуметтік бірлік, мәдени мұра және этникалық ынтымақтастық құндылықтарын кеңінен ашуға мүмкіндік береді.

Хабар 24 телеарнасы