432,64 506,00 5.46
+7 (7172) 757 485 24kz@khabar.kz
ҚАЗ

Елордада мұғалімдерге арналған аллея пайда болды

  • 165
  • UPD: 23:31, 03.10.2020
Елордада мұғалімдерге арналған аллея пайда болды фото: astana.gov.kz

Бүгін елордада Тұңғыш Президент саябағында ағаштар отырғызылды.

Шараға еріктілер, қоғам қайраткерлері, мәдениет және спорт қайраткерлері, қала тұрғындары қатысты. Бұл туралы Нұр-Сұлтан қаласының әкімі Алтай Көлгінов Instagram-дағы парақшасында жазды, деп хабарлайды әкімдіктің ресми сайты.

«Ауа райы құбылмалы елордада жасыл белдеу мен экологиялық аймақтар экологияны жақсартып қана қоймай, климаттық жағдайды жұмсартуға мүмкіндік береді. Көктемде және күзде қаланың барлық аудандарында ағаш отырғызумен айналысамыз. Саябақтарға, қоғамдық кеңістіктерге және аулаішілік аумақтарға ерекше назар аударамыз. Бүгін халық арасында Пирамида деп аталатын Бейбітшілік және келісім сарайының бойындағы Тұңғыш Президент саябағында ағаштар отырғызылды. Шараға еріктілер, қоғам қайраткерлері, мәдениет және спорт қайраткерлері, қала тұрғындары қатысты. Ұстаздар күні мерекесіне орай мұғалімдерімізге арнап арнайы аллея отырғыздық», - деді қала әкімі Instagram парақшасындағы жазбасында.

Қалада тек осы демалыс күндері мыңға жуық ағаш отырғызылған.

«Биыл отырғызылған ағаштардың жалпы саны 30 мыңнан, жасыл желектер – 80 мыңнан асады. Осылайша, қалада біртіндеп жасыл аралдар - экологиялық аймақтар санын көбейтудеміз. Өсімдіктерді сақтау мақсатында ағаштарды кесу кезінде өтемдік отырғызуды екі есе көбейттік. Егер бұрын «беске бір» болса, қазір «онға бір».Карантин кезінде 15 мыңнан астам жұмыс орнын ашуға мүмкіндік берген «Жұмыспен қамтудың жол картасы» бағдарламасы бойынша бірқатар мәдениет, спорт және білім беру нысандарын жөндеуге кірістік. Қазір Бейбітшілік және келісім сарайына жөндеу жұмыстарын жүргізіп жатырмыз. Бүгінгі таңда ғимарат бойымен отырғызылған ағаштар қазірдің өзінде бұл жерге жайлылық беріп тұр. Бірнеше жылдан кейін осы аймақта құрылған экологиялық аймақтар бірнеше есе көп болады», - деп толықтырды әкім.

Хабар 24 телеарнасы