432,64 506,00 5.46
+7 (7172) 757 485 24kz@khabar.kz
ҚАЗ

Құс атуды уақытша тоқтату ұсынылды

  • 157
Құс атуды уақытша тоқтату ұсынылды

Аңшылар жабайы құсты атпағаны абзал. Өйткені солтүстік облыстарда құс тұмауы өршіп тұр, деп хабарлайды «Хабар 24».

Шығыс өңірдегі аумақтық инспекция өкілдері осылай дейді. Жалпы бұл аймақта күзгі аңшылықпен айналысатын 56 шаруашылық бар. Мамандар Павлодар облысымен шектесетін Бесқарғай ауданының аңшылары атқан үйректерді елордаға арнайы зертханаға жөнелткен. Сол жерде олардан тұмаудың белгілері бар-жоғы анықталады. Қазір шығыстағы өзен-көлдерде 100-ден аса құс түрі мекендейді.

Талғат Рахымжанов, орман және  жануарлар әлемі аумақтық  инспекциясы басшысының орынбасары:

– Ресей мемлекетімен шекралас аудандарда аңшылық ұйымдар мониторинг жүргізілу тапсырылған. Қазіргі күнде ешқандай жабайы құста құс тұмауы анықталған жоқ. Қараша айының аяғына дейін бізде аңшылық маусым ашылған. Аңшылардың бәрі өздеріне рұқсат қағаздарын алып, аңға шығып кеткен. Оларға біз тыйым сала алмаймыз. Бірақ оларға ұсыныс ретінде аңшылықты тоқтата тұруды сұраймыз.

 

 

Хабар 24 телеарнасы