428,50 501,70 5.49
+7 (7172) 757 485 24kz@khabar.kz
ҚАЗ


ЖҚЖК аясында 196 мың адам жұмысқа орналастырылды

  • 68
  • UPD: 10:20, 15.10.2020
ЖҚЖК аясында 196 мың адам жұмысқа орналастырылды Finance.kz

Жұмыспен қамтудың 2020-2021 жылдарға арналған жол картасы шеңберінде 6,6 мыңнан астам жобаны іске асыру басталды, оларда 130 мың теңгелік орташа жалақымен 196 мың адам жұмыспен қамтылған.

ҚР ЕХӘҚМ баспасөщ қызметінің мәліметінше, ЖҚЖК инфрақұрылымдық жобаларын іске асыру 4 негізгі бағыт бойынша өтеді:

– әлеуметтік-мәдени нысандарды күрделі және ағымдағы жөндеу, реконструкциялау және салу;

– тұрғын үй-коммуналдық шаруашылық нысандарын күрделі, орташа және ағымдағы жөндеу, реконструкциялау;

– инженерлік-көлік инфрақұрылымын күрделі, орташа және ағымдағы жөндеу, реконструкциялау және салу;

– елді мекендерді абаттандыру.

ЖҚЖК инфрақұрылымдық жобаларын іске асыру кезінде отандық өндірушілердің кемінде 90%-інің тауарлары мен қызметтерін қолдануды қамтамасыз ету ерекше шарт болып табылады. Жұмысшылардың кемінде жартысын жұмыспен қамту орталықтары арқылы жалдайды, басымдық жұмыссыз жастарға беріледі. Мердігерлер санитарлық-эпидемиологиялық шараларды қолдана отырып, қауіпсіз еңбек жағдайын қамтамасыз етуге тиіс.

Бағдарламаға қатысушылардың жартысы ауыл тұрғындары, 40%-і – жастар және 7%-і – табысы аз азаматтар.

ЖҚЖК шеңберінде жұмыспен қамтылғандардың ең жоғары үлесі Шығыс Қазақстан (20 мың адам немесе 106,2%), Қызылорда (9,3 мың адам немесе 99,9%) және Атырау (6,9 мың адам немесе 97,7%) облыстарында.

Бұған дейін хабарланғандай, ЖҚЖК аясында барлығы 255 мың жұмыс орнын ашу жоспарлануда. Бұл ретте ЖҚЖК жобалары болашақта 100 мыңнан астам тұрақты жұмыс орнын ашуға негіз болады.

Хабар 24 телеарнасы