423.81 509.00 5.60
+7 (7172) 757 485 24kz@khabar.kz
ҚАЗ

Түркістан облысында суррогат алкоголь өнімін жасаған цех анықталды

  • 143
  • UPD: 09:41, 29.10.2020
Түркістан облысында суррогат алкоголь өнімін жасаған цех анықталды ҚР ҚМ ҚМК

Түркістан облысының екі тұрғыны суррогат алкоголь өнімін жасайтын астыртын цехтың қызметін ұйымдастырған.

ҚР ҚМ Қаржы мониторингі комитетінің Түркістан облысы бойынша Экономикалық тергеу департаментінің қызметкерлері жүргізген жедел іздестіру іс-шаралары барысында Сарыағаш қаласының тұрғындарының көрінеу жалған есепке алу-бақылау маркаларын пайдалана отырып, алкоголь өнімдерін дайындайтын астыртын цехтың қызметін ұйымдастырғаны анықталды.

Тінту барысында көлемі 0,5 литр «Пшеничная» маркалы жалған алкоголь өнімінің 284 бөтелкесі және 600-ге жуық жалған есепке алу-бақылау маркалары анықталып, тәркіленді, деп хабарлайды ҚР ҚМ ҚМК баспасөз қызметі.

Сарыағаш аудандық сотының үкімімен Түркістан облысының екі тұрғыны ҚР ҚК-нің 233-бабының 2-бөлігімен (көрiнеу жалған акциздiк маркаларды және (немесе) есепке алу-бақылау маркаларын өткiзу мақсатында жасау немесе иемдену, сол сияқты пайдалану немесе өткізу) қарастырылған қылмыстық құқық бұзушылықты жасағаны үшін кінәлі деп танылып, оларға екі жүз сағат мерзімге қоғамдық жұмыстарға тарту жазасы тағайындалған.

Хабар 24 телеарнасы