425.05 509.00 5.58
+7 (7172) 757 485 24kz@khabar.kz
ҚАЗ

Елімізде төрт банктің жарнама хабарларында бұзушылықтар анықталған

  • 154
  • UPD: 11:33, 29.10.2020
Елімізде төрт банктің жарнама хабарларында бұзушылықтар анықталған Қаржы нарығын реттеу және дамыту агенттігі

Қаржы нарығын реттеу және дамыту агенттігі қыркүйекте жарнама материалдарына жүргізілген мониторинг нәтижелері бойынша төрт коммерциялық банкке қатысты шаралар қабылдады.

«Қазақстан Халық Банкі» АҚ және «Центр Кредит Банкі» АҚ банктік қызметтер туралы жарнамада банк лицензиясының нөмірін және лицензияны берген органның атауын көрсетпеген. ЕДБ-ға қатысты қадағалап ден қою сипатындағы ұсынымдық шаралар қолданылды;

«Альфа-Банк» АҚ ЕБ сыйақы мөлшерлемесін шынайы, жылдық, тиімді, салыстырмалы есептеуде көрсету бойынша міндеттемені орындамаған, сол үшін әкімшілік жауапкершілікке тартылды;

«Сбербанк» АҚ ЕБ жариялау күні шындыққа сәйкес келмейтін жарнама материалын орналастырды. Банк әкімшілік жауапкершілікке тартылды.

Агенттік қаржы институттары ұсынған құжаттар мен ақпарат негізінде мониторинг жүргізді. Сонымен бірге жеке, заңды тұлғалардан және мемлекеттік органдардан келіп түскен өтініштер есепке алынды. Бұдан басқа, сайттар, әлеуметтік желілер және банктердің мобильдік қосымшалары тексерілді, теле-, радиоарналардағы, қоғамдық көліктегі, мерзімді баспасөз басылымдарындағы жарнама, сондай-ақ сыртқы жазбалар қадағалап тексерілді.

Ақпарат көзі: ҚР Қаржы нарығын реттеу және дамыту агенттігі

Хабар 24 телеарнасы