Атырауда психотроптық препараттарды сатқандар ұсталды
- 117
- UPD: 17:45, 23.11.2020
Атырауда психотроптық дәрілік препараттарды заңсыз сатумен айналысқан үш адам ұсталды.
Облыс полицейлері күдіктілерді «Дәрмек» жедел алдын алу шарасы барысында қолға түсірген. Олардан 240 дана «Трамадол» және 18 құты «Тропикамид» дәрілері тәркіленді.
Гүлнәзира Мұхтарова, облыстық ПД баспасөз хатшысы:
– Анықталған әкімшілік құқықбұзушылықтарға қатысы бар тұлғаларды, оның ішінде 1 медицина қызметкерін жауапкершілікке тарту үшін жинақталған құжаттар Атырау облысы бойынша Тауарлар мен қызметтердің сапасы және қауіпсіздігін бақылау департаментіне жолданды.
