420,29 511.30 5.69
+7 (7172) 757 485 24kz@khabar.kz
ҚАЗ

Қазақстанда екі апталық локдаун енгізілетіні туралы ақпарат – фейк

  • 140
  • UPD: 15:57, 02.12.2020
Қазақстанда екі апталық локдаун енгізілетіні туралы ақпарат – фейк

WhatsApp мессенджерінде алдағы уақытта екі апталық локдаун енгізілетіні туралы жалған ақпарат таратылуда, деп хабарлады stopfake.kz.

Хабарлама авторларының айтуынша, азық-түлік дүкендері де жабылады, тек дәріханаларға ғана бұрынғы режимде жұмыс істеуге рұқсат етіледі.

Тауарлар мен көрсетілетін қызметтердің сапасы мен қауіпсіздігін бақылау комитеті бұл ақпаратты жоққа шығарды.

«Бұл – жалған ақпарат. Бүгінгі таңда мұндай қатаңдату шараларын қабылдау жоспарланып отырған жоқ. Бірде-бір облыста мұндай мәселе көтерілген жоқ», – деп хабарлады комитеттің ресми өкілі Ержан Байтанаев.

Ол сондай-ақ медициналық бетперде тағудың және әлеуметтік арақашықтықты сақтаудың маңыздылығын тағы да еске салды. Мүмкіндігінше адамдар көп жиналатын жерлерге бармауға шақырды.

Хабар 24 телеарнасы