419,54 511.30 5.71
+7 (7172) 757 485 24kz@khabar.kz
ҚАЗ

COVID-19: СҚО әлі «қызыл» аймақта тұр

  • 144
  • UPD: 21:52, 03.12.2020
COVID-19: СҚО әлі «қызыл» аймақта тұр

Коронавирус жұқтырғандар бойынша Солтүстік Қазақстан тізімнің басында тұр, деп хабарлайды «Хабар 24».

Індет көрші елден келгендерден де анықталып жатыр. Нақтырақ айтсақ, қазан-желтоқсан айларында өңірдегі шекара бекеттерінен барлығы 30 мыңға жуық адам өткен. Ал оның тек 8034-інде ғана ПТР анықтамасы болған. Зертханалық тексеру кезінде 185 адамнан COVID-19 анықталды. Ал жаңа оқу жылы басталғалы 199 оқушы кесел жұқтырды. Оның 159-ы екінші тоқсанда ауырған. Осыған байланысты үш мектептің 28 сыныбы қашықтан оқуға көшті. Айта кету қажет, облыс әлі күнге қызыл аймақта. Петропавлдан бөлек, 7 елді мекен карантинге жабық.

Арман Күшбасов, облыстық санитарлық-эпидемиологиялық бақылау департаменті басшысының м. а.:

- Өңірдегі эпидемиологиялық жағдай бір қалыпты. Бастысы, өсім жоқ. Мәселен соңғы екі аптаның қорытындысы бойынша орташа есеппен бір тәулікте індет жұқтырғандар 100-110 адамнан аспайды. Науқастардың көбінде ауру белгілері жоқ. Дегенмен, олар тасымалдаушы болып табылады. Оның үстіне бұрын қауіпті инфекцияға шалдыққандардың 50%-і Петропавл қаласының тұрғындары. Қазір бұл көрсеткіш 40%-ке төмендеді.

Хабар 24 телеарнасы